اٹک، خاتون کو مبینہ جنسی زیادتی کا نشانہ بنانے والا ملزم قلیل وقت میں گرفتار

شادی کا جھانسہ دے کر زیادتی اور نازیبا ویڈیوز بنانے کا الزام، ملزم سے مزید تفتیش جاری

پیر 24 اگست 2026 20:45

اٹک، خاتون کو مبینہ جنسی زیادتی کا نشانہ بنانے والا ملزم قلیل وقت میں ..

اٹک (اُردو پوائنٹ اخبارتازہ ترین - این این آئی۔ 24 اگست2026ء) ڈسٹرکٹ پولیس آفیسر اٹک کیپٹن (ر) علی بن طارق کی ہدایت پر تھانہ سٹی اٹک پولیس نے بروقت کارروائی کرتے ہوئے خاتون کو مبینہ طور پر جنسی زیادتی کا نشانہ بنانے اور نازیبا ویڈیوز بنا کر دھمکیاں دینے کے الزام میں نامزد ملزم کو قلیل وقت میں گرفتار کرلیا، ملزم سے مزید تفتیش جاری ہے۔تفصیلات کے مطابق 19 اگست 2026 کو متاثرہ خاتون نے تھانہ سٹی اٹک میں درخواست دی کہ کچھ عرصہ قبل اس کی اسرار احمد اعوان سے ٹک ٹاک کے ذریعے دوستی ہوئی تھی۔

(جاری ہے)

متاثرہ خاتون کے مطابق ملزم نے اسے شادی کا جھانسہ دے کر متعدد بار مبینہ طور پر جنسی زیادتی کا نشانہ بنایا اور اس کی نازیبا ویڈیوز بھی بنائیں۔خاتون کے مطابق بعدازاں ملزم نے شادی سے انکار کردیا اور نازیبا ویڈیوز وائرل کرنے کی دھمکیاں دینے لگا۔ اطلاع ملنے پر تھانہ سٹی اٹک پولیس نے فوری مقدمہ درج کرکے کارروائی شروع کی اور نامزد ملزم اسرار احمد اعوان ولد ایوب خان، سکنہ بھدری، تحصیل و ضلع اٹک کو قلیل وقت میں گرفتار کرلیا۔پولیس کے مطابق گرفتار ملزم سے واقعے کے حوالے سے مزید تفتیش جاری ہے۔