یومِ دفاع پاکستان ہماری قومی تاریخ کا روشن باب ہے، ڈاکٹر فردوس عاشق اعوان

ہفتہ 5 ستمبر 2026 18:52

سیالکوٹ،05 ستمبر (اے پی پی) (اُردو پوائنٹ اخبارتازہ ترین - اے پی پی۔ 05 ستمبر2026ء) یومِ دفاع پاکستان ہماری قومی تاریخ کا روشن باب ہے،یومِ دفاع پاکستان ہمیں ان عظیم شہداء غازیوں کی لازوال قربانیوں کی یاد دلاتا ہے جنہوں نے پیارے وطن کے دفاع کے لیے اپنی جانوں کے نذرانے پیش کیے۔ 6 ستمبر ہماری قومی تاریخ میں جرات، بہادری، عزم اتحاد کی علامت ہے، پوری قوم اپنے بہادر سپوتوں کو خراج عقیدت پیش کرتی ہے۔

ان خیالات کا اظہار سابق وفاقی وزیر ڈاکٹر فردوس عاشق اعوان نے یومِ دفاع پاکستان کے حوالے سے مقامی تعلیمی ادارے میں منعقدہ خصوصی تقریب سے خطاب کر تے ہوئے کیا، منعقدہ تقریب میں طلبہ و طالبات، اساتذہ، والدین دیگر معززین نے شرکت کی۔ تقریب کے دوران طلبہ نے ملی نغمے، تقاریر اور ٹیبلو پیش کرکے وطن سے محبت کا اظہار کیا۔

(جاری ہے)

سابق وفاقی وزیر ڈاکٹر فردوس عاشق اعوان نے کہا کہ 1965ء کی جنگ میں پاک فوج، قوم نے اتحاد و یکجہتی کا بے مثال مظاہرہ کرتے ہوئے دشمن کے ناپاک عزائم ناکام بنائے۔

ہمارے شہداء غازیوں کی قربانیاں آنے والی نسلوں کے لیے مشعلِ راہ ہیں۔ انہوں نے کہا کہ پاکستان کا دفاع مضبوط ہاتھوں میں ہے پوری قوم اپنی مسلح افواج کے شانہ بشانہ کھڑی ہے۔انہوں نے کہا کہ آج کے دور میں ملکی دفاع صرف سرحدوں کی حفاظت تک محدود نہیں بلکہ تعلیم، معیشت، سائنس و ٹیکنالوجی قومی یکجہتی کے شعبوں میں ترقی بھی دفاعِ وطن کا اہم تقاضا ہے۔

نوجوان نسل ملک کا قیمتی سرمایہ ہے، طلبہ محنت، دیانت، نظم و ضبط مثبت سوچ اپنا شعار بناتے ہوئے پاکستان کی ترقی میں اپنا کردار ادا کریں، اس موقع پر سابق وفاقی وزیر نے اپنے خطاب میں مزید کہا کہ ہمیں اپنے شہداء کی قربانیوں کی قدر کرتے ہوئے ملک کی سلامتی، خودمختاری استحکام کے لیے متحد رہنا ہوگا۔ پاکستان کی ترقی خوشحالی کے لیے ہر شہری کو اپنی ذمہ داریاں احسن انداز میں ادا کرنا ہوں گی۔