ن لیگ نے اگر نئے صوبوں کے معاملے پر پتے غلط کھیلے تو سسٹم کسی کا سگا نہیں ہوتا

پھر سسٹم کچھ بھی کرسکتا ہے اور کہیں بھی جا سکتا ہے، کیونکہ سسٹم صرف اپنا سگا ہوتا ہے۔ منیب فاروق

منگل 8 ستمبر 2026 21:17

لاہور (اردوپوائنٹ اخبار تازہ ترین ۔ 08 ستمبر 2026ء ) صحافی منیب فاروق کا کہنا ہے کہ ن لیگ نے اگر نئے صوبوں کے معاملے پر پتے غلط کھیلے تو سسٹم کسی کا سگا نہیں ہوتا۔ اپنے وی لاگ میں ان کا کہنا ہے کہ نئے صوبوں کے معاملے پر مسلم لیگ ن کی مرکزی لیڈرشپ نوازشریف اور وزیراعلیٰ پنجاب کا کوئی مئوقف سامنے نہیں آیا، اب دیکھنا یہ ہے کہ مسلم لیگ ن نے پیپلزپارٹی کا طرز عمل اپنانا ہے یا اسٹریٹجک خاموش رہنا ہے۔

یہ آپ کو آنے والے چند دن بتائیں گے۔ اگر ن لیگ نے صوبوں کے معاملے پر اپنے پتے غلط کھیلے تو سسٹم کسی کا سگا نہیں ہوتا پھر سسٹم کہی بھی جا سکتا ہے اور کچھ بھی کر سکتا ہے کیونکہ سسٹم صرف اپنا سگا ہوتا ہے۔

اگر ن لیگ نے صوبوں کے معاملے پر اپنے پتے غلط کھیلے تو سسٹم کسی کا سگا نہیں ہوتا پھر سسٹم کہی بھی جا سکتا ہے اور کچھ بھی کر سکتا ہے کیونکہ سسٹم صرف اپنا سگا ہوتا ہے۔ منیب فاروق@muneebfaruqpak #PMLN #Systrm pic.twitter.com/8mm2ZorGzc
— Ali Hassan (@AliJrnlst) September 8, 2026

اسی طرح اینکر پرسن منصور علی خان نے ملکی سیاسی و آئینی بحران، فارم 47 کے تنازع اور نئے صوبوں کی تشکیل کے معاملے پر اہم انکشافات کرتے ہوئے حکومت اور اپوزیشن دونوں کے دوہرے معیار کو شدید تنقید کا نشانہ بنایا ہے۔

(جاری ہے)

اپنے وی لاگ میں منصور علی خان نے ایک اہم اور بااثر شخصیت سے ہونے والی گفتگو کا احوال بتاتے ہوئے کہا کہ آنے والے دنوں میں صوبوں کی تقسیم کا معرکہ شدید ترین سیاسی جنگ میں تبدیل ہونے والا ہے۔ انہوں نے اہم شخصیت کا حوالہ دیتے ہوئے بتایا کہ موجودہ سیاسی و انتظامی حالات کو دیکھتے ہوئے ان کا کہنا تھا کہ آنے والے دنوں میں نئے صوبوں کے معاملے پر سیاستدان باقاعدہ چھری کانٹے نکالنے والے ہیں، یعنی بات سیاسی مخالفت سے بھی بہت آگے جائے گی لیکن ہم اس تمام صورتحال اور ردِعمل کے لیے مکمل تیار ہیں اور نئے صوبے ہر صورت بننے ہیں۔