یوم دفاع ہمیں ملکی سلامتی کیلئے ذمہ داریاں مزید عزم سے ادا کرنے کا درس دیتا ہے، زاہد بختاوری

اتوار 13 ستمبر 2026 20:22

راولپنڈی (اُردو پوائنٹ اخبارتازہ ترین - اے پی پی۔ 13 ستمبر2026ء) وائس پریذیڈنٹ راولپنڈی کنٹونمنٹ بورڈ زاہد بختاوری نے کہا ہے کہ سول ڈیفنس کے افسران اور رضاکار مشکل حالات میں بھی محنت، دیانتداری اور جذبے سے فرائض انجام دے کر اہم قومی خدمت سرانجام دے رہے ہیں، یوم دفاع ہمیں ملک کے تحفظ، سلامتی اور استحکام کے لیے اپنی ذمہ داریاں مزید عزم کے ساتھ ادا کرنے کا درس دیتا ہے۔

وہ سول ڈیفنس کے افسران و اہلکاروں کے اعزاز میں منعقدہ تقریب سے خطاب کر رہے تھے۔

(جاری ہے)

اس موقع پر زاہد بختاوری نے سول ڈیفنس افسران و اہلکاروں کو اعزازی شیلڈز پیش کیں۔ سول ڈیفنس آفیسر راولپنڈی چوہدری غلام مصطفیٰ نے کہا کہ سول ڈیفنس اہم قومی ذمہ داری ہے، ہنگامی حالات میں انسانی جان و مال کے تحفظ کے لیے عوام کا تعاون ناگزیر ہے، عوام اور سول ڈیفنس کے درمیان مضبوط اشتراک سے ہنگامی صورتحال میں جان و مال کا بہتر تحفظ یقینی بنایا جا سکتا ہے۔ سول ڈیفنس حکام نے زاہد بختاوری کی خدمات کو سراہتے ہوئے کہا کہ انہوں نے ہمیشہ سول ڈیفنس کے ساتھ بھرپور تعاون کیا اور مشکل حالات میں ان کے شانہ بشانہ کھڑے رہے۔

Facebook Twitter Google + Share on Whatsapp

یوم دفاع ہمیں ملکی سلامتی کیلئے ذمہ داریاں مزید عزم سے ادا کرنے کا درس دیتا ہے، زاہد بختاوری

متعلقہ عنوان :

مزید قومی خبریں