’جماعت اسلامی والے اسلام آباد آکر بیٹھ جائیں گے، ان کو بھرپور کوریج ملے گی‘

دھرنے سے اسپیشل ٹرانسمیشن ہوگی، حافظ نعیم الرحمان کا ہر خطاب لائیو دکھایا جائے گا، دوسری طرف پی ٹی آئی پر شیلنگ ہوگی ، لاٹھی چارج ہوگا اور میڈیا پر مکمل بلیک آوٴٹ ہوگا، صحافی شیراز احمد شیرازی کی خبر

فیضان ہاشمی پیر 21 ستمبر 2026 15:31

’جماعت اسلامی والے اسلام آباد آکر بیٹھ جائیں گے، ان کو بھرپور کوریج ..

اسلام آباد (اُردو پوائنٹ اخبارتازہ ترین۔ 21 ستمبر 2026ء) وفاقی دارالحکومت اسلام آباد میں احتجاج اور دھرنوں کے نمٹنے کی تیاریاں زور شور سے جاری ہیں، جڑواں شہروں راولپنڈی اور اسلام آباد میں امن و امان کی بحالی اور امن عامہ برقرار رکھنے کیلئے سکیورٹی انتظامات کا آغاز کردیا گیا ہے۔ اسی صورتحال کے پیش نظر صحافی شیراز احمد شیرازی نے بڑی خبر دیتے ہوئے دعویٰ کیا ہے کہ جماعت اسلامی کے اسلام آباد میں دھرنے کی صورت میں اسے بھرپور میڈیا کوریج دی جائے گی۔

سوشل میڈیا پلیٹ ’ایکس‘ پر خبر دیتے ہوئے دعویٰ کیا ہے کہ دھرنے کے دوران دو، دو رپورٹرز کو لائیو کوریج کے لیے بھیجا جائے گا، خصوصی ٹرانسمیشنز ہوں گی اور جماعت اسلامی کے امیر حافظ نعیم الرحمن کی تقاریر کو براہ راست نشر کیا جائے گا۔

(جاری ہے)

دوسری جانب پاکستان تحریک انصاف کے احتجاج کی صورت میں پولیس کارروائی، شیلنگ اور لاٹھی چارج کیا جائے گا جبکہ میڈیا کوریج پر مبینہ طور پر بلیک آؤٹ ہوگا۔

🔴🔴فیصلہ ہوگیا ہے ۔۔۔۔ جماعت اسلامی والے اسلام آباد آکر بیٹھ جائیں گے ، اوپر سے حکم آئے گا کہ جماعت اسلامی کو بھرپور کوریج دے ، دو دو رپورٹرز لائیو آئے، دھرنے سے اسپیشل ٹرانسمیشن کرائے جائے ، حافظ نعیم کا ہر خطاب لائیو دکھایا جائے ۔۔۔۔۔۔ دوسری طرف پی ٹی آئی پر شیلنگ ہوگی ، لاٹھی…
— Sheraz Ahmad Sherazi (@Sherazi_Silmian) September 21, 2026

دوسری جانب جماعتِ اسلامی کے کراچی سے شروع ہونے والے ٹرین مارچ اور اپوزیشن کے احتجاجی اقدامات کے باعث وزارتِ صحت کی ہدایت پر اسلام آباد کے تمام وفاقی ہسپتالوں کو الرٹ جاری کر دیا گیا، پولی کلینک ہسپتال اور پمز انتظامیہ نے باقاعدہ مراسلہ جاری کرتے ہوئے ہسپتالوں کو تا حکمِ ثانی ہائی الرٹ پر مامور کردیا، پولی کلینک ہسپتال کے تمام ڈاکٹروں، نرسوں اور پیرامیڈیکل اسٹاف کی چھٹیاں منسوخ کرتے ہوئے انہیں شہر نہ چھوڑنے کا حکم دے دیا گیا، ڈاکٹر تنویر افسر کو ایمرجنسی صورتحال کا فوکل پرسن مقرر کردیا گیا۔

مراسلے سے معلوم ہوا ہے کہ پولی کلینک کے بلڈ بینک میں ایمرجنسی ضرورت کے لیے 100 بیگ خون کا وافر ذخیرہ برقرار رکھنے کی ہدایت کی گئی ہے اور ایمبولینسز کو ہمہ وقت فعال رکھنے سمیت ضروری ادویات اور طبی آلات کا اسٹاک مکمل کرلیا گیا