ملاکنڈ میں فائر سیفٹی انتظامات کا معائنہ، نجی ہسپتال کے خلاف چالان

منگل 29 ستمبر 2026 23:46

ملاکنڈ (اُردو پوائنٹ اخبارتازہ ترین - اے پی پی۔ 29 ستمبر2026ء) ڈائریکٹر سول ڈیفنس طارق حسین اور ڈپٹی کمشنر ملاکنڈ محمد فیاض خان شیرپاؤ کی ہدایات پر سول ڈیفنس ملاکنڈ نے ضلع بھر میں فائر سیفٹی انتظامات کا تفصیلی معائنہ کیا۔

(جاری ہے)

پریس ریلیز کے مطابق معائنے کے دوران بیکریوں، میڈیکل سٹورز، ہسپتالوں، ہوٹلز اور ایل پی جی مراکز میں فائر فائٹنگ آلات اور حفاظتی انتظامات کا جائزہ لیا گیا۔ ناقص انتظامات پر متعدد اداروں کو نوٹسز جاری کیے گئے۔ایک نجی ہسپتال کی جانب سے نوٹس پر عمل نہ کرنے پر اس کے خلاف چالان مرتب کر کے سول ڈیفنس مجسٹریٹ کی عدالت میں پیش کر دیا گیا۔