لاہور میں ریسٹورنٹس کی سٹار ریٹنگ کا آغاز

معروف ریسٹورنٹس کی ریٹنگ، سہ ماہی بنیادوں پر دوبارہ جانچ ہوگی

جمعرات 1 اکتوبر 2026 14:59

لاہور میں ریسٹورنٹس کی سٹار ریٹنگ کا آغاز

لاہور (اُردو پوائنٹ اخبارتازہ ترین - این این آئی۔ 01 اکتوبر2026ء) لاہور میں ریسٹورنٹس کی سٹار ریٹنگ کا باقاعدہ آغاز کر دیا گیا ، جس کے تحت اب تک شہر کے 92معروف ریسٹورنٹس کو مختلف کیٹیگریز میں سٹارز دیئے جا چکے ہیں۔تفصیلات کے مطابق 44ریسٹورنٹس کو 5سٹار، 29کو 4سٹار، ایک کو 3سٹار جبکہ 7ریسٹورنٹس کو 2سٹار ریٹنگ دی گئی ہے۔

(جاری ہے)

حکام کے مطابق سٹار ریٹنگ سسٹم کو عالمی معیار کے مطابق ڈیجیٹلائزڈ ایپلی کیشن سے منسلک کیا گیا ہے، جہاں خودکار نظام کے تحت فوڈ سیفٹی آفیسر کو کسی ریسٹورنٹ کی انسپکشن کا ٹاسک تفویض کیا جاتا ہے۔

فوڈ سیفٹی آفیسر مقررہ وقت میں انسپکشن مکمل کرے گا اور ہر مرحلے کی تصاویر کے ساتھ رپورٹ اپ لوڈ کرے گا۔حکام کا کہنا ہے کہ شفافیت اور غیر جانبداری کو یقینی بنانے کے لیے سکورنگ مکمل طور پر خودکار نظام کے ذریعے کی جائے گی جبکہ معیار برقرار رکھنے کے لیے ہر ریٹنگ یافتہ ریسٹورنٹ کی سہ ماہی بنیادوں پر دوبارہ جانچ بھی کی جائے گی۔