وفاق کا لانگ مارچ کی صورت میں آئینی آپشن فوری استعمال کرنے کا فیصلہ

ملک میں امن و امان کا قیام اور سرحدوں کا تحفظ اولین ترجیح ہے، کے پی کی عوام کو بے یار و مددگار نہیں چھوڑا جاسکتا.وزیراعظم شہبازشریف کی زیرصدار ت اعلی سطح کا اجلاس

میاں محمد ندیم جمعرات 1 اکتوبر 2026 15:33

وفاق کا لانگ مارچ کی صورت میں آئینی آپشن فوری استعمال کرنے کا فیصلہ

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔یکم اکتوبر ۔2026 ) وفاقی حکومت نے خیبرپختونخوا حکومت کے طرزعمل پر سخت ردعمل دینے اور محاذ آرائی کی صورت میں آئینی و قانونی آپشن فوری استعمال کرنے کا فیصلہ کیا ہے خیبرپختونخوا کی صورتحال پر وزیراعظم شہباز شریف کی زیرصدارت اعلی سطح اجلاس میں اہم فیصلے کئے گئے. وفاقی وزیر داخلہ کی خیبر پختونخوا کی امن و امان کی صورتحال پر وزیراعظم کو تفصیلی بریفنگ دی، پی ٹی آئی سے جاری بیک ڈور رابطوں سے وزیراعظم کو آگاہ کیا گیا ذرائع کے مطابق اجلاس میں خیبر پختونخوا کی صورتحال سے نمٹنے کیلئے آئینی و قانونی آپشنز پر تفصیلی غور کیا گیا، وزیراعظم کو افغان سرحد کی صورتحال اور دہشت گردی کے حالیہ واقعات سے آگاہ کیا گیا.

(جاری ہے)

وزیر قانون نے خیبر پختونخوا کی صورتحال پر آئینی و قانونی نقطہ نظر اور دستیاب آپشنز پیش کر دیئے، رانا ثنا اللہ اور امیر مقام کی خیبر پختونخوا کی سیاسی صورتحال اور اتحادیوں سے رابطوں پر بریفنگ دی. ذرائع کے مطابق صوبائی حکومت کو پیغام دیا گیا ہے کہ طرزعمل تبدیل کرے یا نتائج کیلئے تیار رہے صوبے کے انتظامی اور سیاسی مستقبل سے متعلق فیصلہ کرنے کا اختیار صدرِ مملکت اور وزیراعظم کو دے دیا گیا ہے.

وزیراعظم نے کہا کہ ملک میں امن و امان کا قیام اور سرحدوں کا تحفظ اولین ترجیح ہے خیبرپختونخوا کے عوام کو بے یار و مددگار نہیں چھوڑا جاسکتا صوبے میں امن و امان کے قیام کیلئے تمام ضروری اقدامات یقینی بنائے جائیں وفاقی اور صوبائی سطح پر امن و امان کی صورتحال پر مسلسل رابطہ برقرار رکھنے پر بھی اتفاق کیا گیا.