چناری،پی ٹی آئی ضلع جہلم ویلی کے صدر صاحبزادہ عمران پذیر،کالعدم جموں و کشمیر جوائنٹ عوامی ایکشن کمیٹی جہلم ویلی کے متحرک رہنماء راجہ عبدالقدیر خان جج نے حکومت کی جانب سے کالعدم قرار دی گئی جموں و کشمیر جوائنٹ عوامی ایکشن کمیٹی سے مکمل طور پر لاتعلقی کا اعلان کردیا

جمعرات 1 اکتوبر 2026 18:03

;چناری(اُردو پوائنٹ اخبارتازہ ترین - آن لائن۔ 01 اکتوبر2026ء) پی ٹی آئی ضلع جہلم ویلی کے صدر صاحبزادہ عمران پذیر،کالعدم جموں و کشمیر جوائنٹ عوامی ایکشن کمیٹی جہلم ویلی کے متحرک رہنماء راجہ عبدالقدیر خان جج نے حکومت کی جانب سے کالعدم قرار دی گئی جموں و کشمیر جوائنٹ عوامی ایکشن کمیٹی سے مکمل طور پر لاتعلقی کا اعلان کردیا۔

(جاری ہے)

اپنے ویڈیو بیان میں پی ٹی آئی جہلم ویلی کے صدر صاحبزادہ عمران پذیر نے کہا کہ ہمارا کسی وقت تعلق ایکشن کمیٹی کے ساتھ رہا ہے اس کی تقریبات میں اس لیے شریک ہوتے رہے کہ عوامی ایکشن کمیٹی عوام کے حقوق کی بات،آٹا،بجلی اور دیگر چیزیں سستی کروا رہی ہے،لیکن جب ایکشن کمیٹی ریاست مخالف سرگرمیوں میں ملوث پائی گئی تو اس کے بعد کافی عرصہ سے ہم اس سے دور ہیں،کالعدم ایکشن کمیٹی کی ریاست مخالف سرگرمیوں کے باعث اس سے مکمل لاتعلقی کا اعلان کرتا ہوں،پاکستان ہمارا بڑا بھائی، ہماری امیدوں کا محو ومرکز ہے،ہم پاکستان کے ساتھ کھڑے ہیں، ہمیشہ کھڑے رہیں گے،افواج پاکستان کی ہم دل سے قدر کرتے ہیں،نوجوانوں سے اپیل ہے کہ کوئی بھی ایسی تنظیم جو ملکی سلامتی کے خلاف ہے اس سے کنارہ کشی کر لیں،نوجوان ملک پاکستان،افواج پاکستان کے ساتھ کھڑے رہیں،مسلح افواج پاکستان ہماری آزادی اور امیدوں کی ضامن ہے، ہم کسی بھی ایسی تنظیم کا حصہ نہیں بننا چاہتے جو ملکی سلامتی، پالیسیوں کے خلاف ہو،جموں و کشمیر جوائنٹ عوامی ایکشن کمیٹی جہلم ویلی کے سرکردہ رہنماء راجہ عبدالقدیر خان جج نے اپنے ویڈیو بیان میں کہا کہ اس بات کی تصدیق کرتا ہوں کہ آئندہ کے بعد میرا کالعدم ایکشن کمیٹی کے ساتھ کوئی تعلق نہیں ہو گا،آئندہ کے بعد کسی بھی غیر ریاستی تنظیم کا حصہ نہیں بنوں گا،کالعدم ایکشن کی کسی بھی کال سے بھی شرکت نہیں کروں گا،نوجوانوں، فیملی سے درخواست کرتا ہوں کہ وہ انتشاری کمیٹی سے لاتعلقی کا اعلان کریں،ایکشن کمیٹی ہمارے بچوں کے مستقبل کے ساتھ کھیل رہی ہے،اداروں کے خلاف دیے جانے والے بیانات پر معذرت کرتا ہوں،ریاست پاکستان،افواج پاکستان تمام قانون نافذ کرنے والے اداروں کا خیر خواہ ہوں،آج کے بعد اگر میری طرف سے کالعدم ایکشن کمیٹی کے حق میں کوئی بیان آیا تو تو میرے خلاف قانون کے مطابق کارروائی عمل میں لائی جائے،میرا کسی ایسی تنظیم کے ساتھ کوئی تعلق نہیں ہو گا جو ہمارے اداروں،ریاست کے خلاف ہو گی۔

۔۔۔۔۔۔۔۔۔۔۔۔۔۔

Facebook Twitter Google + Share on Whatsapp

متعلقہ عنوان :

مزید اہم خبریں