Live Updates

ایران نے اسرائیل جانیوالے اماراتی طیارے کے واقعے پر اپنے خلاف لگنے والے الزامات مسترد کردئیے

دنیا سات ماہ کے دوران ایسے واقعات کا مشاہدہ کرچکی ہے،اس لیے حالیہ الزامات کو اسی تناظر میں دیکھا جانا چاہیے،اسماعیل بقائی

اتوار 4 اکتوبر 2026 22:45

ایران نے اسرائیل جانیوالے اماراتی طیارے کے واقعے پر اپنے خلاف لگنے ..

ان(اُردو پوائنٹ اخبارتازہ ترین - این این آئی۔ 04 اکتوبر2026ء) ایران نے فلائی دبئی کے مسافر طیارے میں پیش آنے والے حالیہ واقعے سے متعلق اپنے خلاف الزامات مسترد کرتے ہوئے اسے فالس فلیگ کارروائی قرار دے دیا۔تہران میں پریس کانفرنس کرتے ہوئے ایرانی وزارت خارجہ کے ترجمان اسماعیل بقائی نے کہا ہے کہ ایران کو واقعے سے جوڑنے کی کوششیں من گھڑت شواہد پر مبنی ہیں۔

تاہم ایران کسی بھی دشمنانہ اقدام کا جواب دینے اور اپنے دفاع کے لیے مکمل طور پر تیار ہے۔اسماعیل بقائی نے کہا کہ دنیا گزشتہ سات ماہ کے دوران ایسے واقعات کا مشاہدہ کرچکی ہے، اس لیے حالیہ الزامات کو اسی تناظر میں دیکھا جانا چاہیے۔انہوں نے کہا کہ اسرائیل اور بعض یورپی ممالک کی جانب سے فالس فلیگ کارروائیوں کی تاریخ موجود ہے۔

(جاری ہے)

برطانیہ کی جانب سے آر اے ایف فیئر فورڈ اور اماراتی طیارے سے متعلق الزامات کا حوالہ دیتے ہوئے ایرانی ترجمان نے کہا کہ ایران کے خلاف یہ دعوے انتہائی کمزور اور من گھڑت شواہد کی بنیاد پر تیار کیے گئے ہیں۔

اسماعیل بقائی نے الزام عائد کیا کہ اسرائیل اور اس کے یورپی حامی غزہ کی صورتحال اور ایران کے خلاف اپنی جارحیت سے توجہ ہٹانے کی کوشش کر رہے ہیں، جبکہ دنیا میں یہ تاثر پیدا کیا جا رہا ہے کہ ایران عالمی سلامتی کے لیے خطرہ ہے۔ایرانی ترجمان نے اسے پرانا حربہ قرار دیتے ہوئے کہا کہ ایران کے خلاف الزامات صرف جعلی شواہد کی بنیاد پر عائد کیے جا رہے ہیں۔