اڑی حملے کے الزام میں گرفتار دو پاکستانیوں کیخلاف شواہد نہ مل سکے ،جلد پاکستان آمد متوقع

بھارت میں زیر حراست فیصل حسین اور حسن خورشید پر دہشت گردوں کیلئے سہولت کاری کا الزام تھا

پیر 27 فروری 2017 11:30

نئی دہلی(اُردو پوائنٹ اخبارآن لائن۔27فروری۔2017ء)بھارت میں اڑی حملے کے الزام میں پکڑے گئے دو پاکستانی نوجوانوں کی دہشت گردوں کے ساتھ سہولت کاری کے شواہد نہ ملنے پر بھارتی نیشنل انویسٹی گیشن ایجنسی نے کیس بند کردیا، جلد ہی دونوں نوجوانوں کو وزارت خارجہ کے ذریعے پاکستان بھیج دیا جائے گا۔

(جاری ہے)

اتوار کے روز بھارتی میڈیا کے مطابق بھارت میں اڑی حملے کے الزام میں پکڑے جانیوالے دو پاکستانی نوجوانوں کے دہشت گردوں کیساتھ سہولت کاری کے شواہد نہ ملنے پر بھارتی نیشنل انویسٹی گیشن ایجنسی نے تحقیقاتی رپورٹ بند کردی ۔

فیصل حسین اور احسن خورشید نامی پاکستانی نوجوانوں کو جذبہ خیر سگالی کے تحت جلد پاکستان بھیج دیا جائے گا ۔وزارت خارجہ پاکستانی نوجوانوں کی واپسی کا طریقہ کار تیار کرے گی ۔واضح رہے کہ پاکستانی نوجوانوں پر اڑی واقعہ میں دہشت گردوں کی رہنمائی کا الزام عائد کیا گیا تھا۔

Facebook Twitter Google + Share on Whatsapp

اڑی حملے کے الزام میں گرفتار دو پاکستانیوں کیخلاف شواہد نہ مل سکے ،جلد پاکستان آمد متوقع

بھارت میں زیر حراست فیصل حسین اور حسن خورشید پر دہشت گردوں کیلئے سہولت کاری کا الزام تھا

پیر 27 فروری 2017 کی مزید خبریں