خالد مسعود کے عمل پر افسردہ اور صدمے میں ہوں، اہلیہ

منگل 28 مارچ 2017 18:31

لندن(اُردو پوائنٹ اخبار آن لائن۔ بدھ 29 مارچ 2017ء)لندن میں ویسٹ منسٹر حملہ آور خالد مسعود کی اہلیہ نے اپنے شوہر کے عمل کی مذمت کرتے ہوئے کہا ہے کہ وہ افسردہ اور صدمے میں ہیں۔غیر ملکی میڈیا کے مطابق پولیس کے ذریعے جاری کیے جانے والے بیان میں حملہ آور کی اپلیہ روہے حیدرا نے اس حملے میں ہلاک ہونے والے افراد کے اہل خانہ کے ساتھ تعزیت کی اور زخمی ہونے والوں کی جلد صحتیابی کی دعا کی۔

(جاری ہے)

لندن میں ویسٹ منسٹر پل پر حملہ کچھ مزید حقائقانھوں نے اپنے بیان میں درخواست کی ہے کہ 'اس مشکل وقت میں ان کے خاندان اور خاص طور پر ان کے بچوں کی پرائیویسی کا احترام کیا جائے۔ان کے اس بیان سے قبل خالد مسعود کی والدہ نے حملے کی مذمت کی تھی۔اطلاعات کے مطابق 52 سالہ مسعود کے تین بچے ہیں۔ یاد رہے کہ مسعود کے حملے میں چار افراد ہلاک ہوئے تھے۔خالد مسعود کینٹ کے شہر ڈارٹ فورڈ میں پیدا ہوئے تھے اور پولیس کے پاس ان کا سابقہ مجرمانہ ریکارڈ موجود تھا، جن میں ہتھیاروں کی برآمدگی اور امنِ عامہ میں خلل ڈالنے کے جرائم شامل ہیں۔وہ ویسٹ مڈلینڈ میں رہتے تھے اور اس سے قبل وہ ویسٹ سسیکس اور ایسٹ سسیکس میں بھی رہ چکے ہیں۔

Facebook Twitter Google + Share on Whatsapp

خالد مسعود کے عمل پر افسردہ اور صدمے میں ہوں، اہلیہ

بدھ 29 مارچ 2017 کی مزید خبریں