ایک ہی قبلے کی سمت سربسجود ہونے والی امت محمدی اختلافات دورکر کے ایک ہو جائے، ترک صدر

جمعرات 23 نومبر 2017 13:11

انقرہ ۔ (اُردو پوائنٹ اخبار آن لائن۔ جمعہ 24 نومبر 2017ء) ترکی کے صدر رجب طیّب اردوان نے اسلامی ممالک سے مطالبہ کیا ہے کہ وہ مسلم امہ کے درمیان نفاق کا بیج بونے والوں کے عزائم ناکام بنا دیں۔ ترک خبرساں ادارے کے مطابق اپنے ایک بیان میں انہوں نے کہا کہ مغربی دنیا کی تاریخ میں جتنی بھی برائیاں تھیں وہ تمام ہم پر مسلط کرتے ہوئے اپنے مستقبل کی ضمانت کو محفوظ کر رہے ہیں لہٰذا ہمیں چاہیئے کہ اسلامی امہ، اتحاد و یکجہتی اور اپنی آئندہ کی نسلوں کو تباہی سے بچانے کیلئے ان گھناؤنے عزائم کو ناکام بنائیں۔

(جاری ہے)

انہوں نے کہا کہ داعش، پی کے کے، القاعدہ، گولن تنظیم، بوکو حرام اور ان جیسی دہشت گرد تنظیموں نے دنیا کو خون میں نہلا دیا ہے اورجہاں تک شام اور آراکان کی صورتحال کا سوال ہے تو اس کیلئے تہذیب و انسانی اوصاف کے کھوکھلے دعوے کرنے والی مغربی دنیا ہمارے سامنے ہے۔ترک صدر نے دن میں 5 دفعہ ایک ہی قبلے کی سمت سربسجود ہونے والی مسلم امہ سے التجا کی کہ آپس میں مذہبی منافرت اور نظریاتی اختلافات کو چھوڑ کر رنجشوں کا خاتمہ کریں کیونکہ یہ تمام عوامل وہ ہیں جو کہ ہمارے دشمنوں کے ہاتھ مضبوط کر رہے ہیں اور ہمارے درمیان اپنے مفادات کی خاطر نفاق کی دیوار کھڑی کر رہے ہیں۔

Facebook Twitter Google + Share on Whatsapp

ایک ہی قبلے کی سمت سربسجود ہونے والی امت محمدی اختلافات دورکر کے ایک ہو جائے، ترک صدر

جمعہ 24 نومبر 2017 کی مزید خبریں