Apni Beenayi Behtar Banayiay

ایسی بہت سی چیزیں ہیں، جوبینائی کوبہتر بناتی ہیں، جن میں ورزش، غذائیں اور امیک اپ کرنا شامل ہے۔ ذیل میں ان چیزوں کاتذکرہ کیاجارہاہے، جن سے بینائی بہتر کرنے میں مدد مل سکتی ہے۔ آپ انھیں ضرور آزمائیے۔
شکرقند کھائیے
شکر قند میں حیاتین الف ہوتی ہے، جس سے بینائی میں اضافہ ہوجاتاہے۔ ایسے افراد جنھیں رات کوکم نظر آتا ہے، انھیں شکرقند ضرور کھانا چاہیے۔

اس کے علاوہ بھنا ہوا چقندر بھی بینائی کے لیے مفید ہے۔
درجہ حرارت کم رکھیے
گرمی یاگرم ہواکے تھپیڑوں سے آنکھیں خشک ہوجاتی ہیں۔ گھریادفتر میں گرمی کرنے کے لیے گملوں میں پودے اور کھڑکیوں پر پردے بھی لگائے جاسکتے ہیں۔
پابندی سے ورزش کریں
پابندی سے ورزش کرنے سے آنکھوں کی بیماریوں کم ہوجاتی ہیں، اس لیے کہ اس سے آنکھوں پرپڑنے والا دباؤ کم ہوجاتاہے۔

(جاری ہے)

ایک تحقیق سے معلوم ہوا ہے کہ وہ افراد جوہفتے میں چاردن 40منٹ تک پیدل چلتے ہیں، انھیں دوائیں نہیں کھانی پڑتیں۔
بلیوبیری کھائیے
ناشتے میں بلیوبیری کھانے سے 50برس کی عمر کے بعد آنکھوں پر پڑنے والے منفی اثرات ختم ہوجاتے ہیں۔ مجموعی صحت میں بہتری کے لیے بلیوبیری میں دہی ملاکرکھایاجاسکتاہے۔
خوشبو سونگھیے
گل یاسمین کاعطر شانوں پر لگائیے اور اسے سونگھیے۔

اس سے آپ کے دماغ کی لہروں میں اضافہ ہوجاتاہے اور وہ پہلے کے مقابلے میں زیادہ فعال ہوجاتی ہیں، جس سے بینائی کاارتکازدرست ہوجاتاہے۔
اپنا بلڈپریشرچیک کیجیے
ہرماہ پابندی سے اپنا بلڈپریشر چیک کیجیے۔ ہائی بلڈپریشر اور ذیابیطس دونوں کاتعلق اندھے پن سے ہے۔ یہ دونوں بیماریاں خون کی شریانوں کونقصان پہنچاتی ہیں۔

مچھلی کھائیے
روغنی مچھلی کھائیے۔ یہ بہت مفید ہوتی ہے۔ ایسی مچھلیوں میں اومیگا۔ 3شحمی تیزاب ہوتا ہے، جس سے بینائی کم زور نہیں ہوتی۔
خاکستری چشمہ پہنیے
خاکستری رنگ کاچشمہ لگانے سے آنکھیں دھوپ کی مضرشعاعوں سے محفوظ رہتی ہیں۔ چناں چہ دن میں گھر سے باہر نکلتے وقت اس رنگ کاچشمہ لگائیے۔
آنکھوں کامیک اپ کیجیے
سام میں دوبارہ آنکھوں میں مسکارا لگائیے اور دوسرے میک اپ بھی کیجیے، اس سے وہ جراثیم مرجاتے ہیں جن کی وجہ سے آنکھوں میں تعدیہ ہوجاتاہے۔