بورے والا، ادھار کی رقم واپس مانگنے پرگاؤں کے بااثر افراد نے حافظ قرآن کی داڑھی،بھنوئیں اورسرکے بال مونڈھ کرمنہ بھی کالاکردیا

جمعہ 15 مارچ 2024 21:38

بورے والا(اُردو پوائنٹ اخبارتازہ ترین - آن لائن۔ 15 مارچ2024ء) ادھار کی رقم واپس مانگنے پر گاؤں کے بااثر افراد نے حافظ قرآن کی داڑھی،بھنوئیں اورسرکے بال مونڈھ کرمنہ بھی کالاکردیا، بہیمانہ تشدد۔

(جاری ہے)

متاثرہ شخص تھانے گیا تو ایس ایچ او نے ذہنی مریض سمجھ کر حوالات میں بند کردیا، تفصیلات کے مطابق نواحی گاؤں283/ای بی کے رہائشی محنت کش حافظ قرآن اسماعیل ولدابراہیم نے میڈیا کے نمائندوں کوبتایاکہ اسی گاوں کے ہی رہائشی فداحسین ولدفقیرحسین آرائیں نے مجھ سی20ہزارروپے ادھارلئے تھے اپنے پیسے واپس مانگنے پرفداحسین طیش میں آگیااورسحری کے وقت اپنے ساتھیوں محسن آرائیں،ماسٹراشرف بھٹے والا،عمیر،وسیم،حمزہ آرائیں اورافضل بھٹے والاکے ہمراہ مجھے گھرسے زبردستی اٹھاکراپنے ڈیرہ پرلے گئے جہاں ملزمان نے مجھے بیہمانہ تشددکانشانہ بنایااوراسترے سے میری داڑھی،بھنوئیں،مونچھیں اورسر کے بال مونڈھ دئیے اورمیرامنہ کالاکردیا جبکہ اس زیادتی کی شکایت لے کر تھانہ گگو منڈی گیا تو ایس ایچ او نے ذہنی مریض سمجھ کر حوالات میں بند کردیا مقامی لوگوں نے مداخلت پر رہائی دلوائی لیکن ملزمان کے خلاف کوئی کاروائی نہیں کی گئی متاثرہ محنت کش حافظ محمد اسماعیل نے ڈسٹرکٹ پولیس آفیسروہاڑی محمدعیسیٰ خان سے انصاف دلائے جانے کی اپیل کی ہے۔