وفاقی وزارت قانون وانصاف نے بیرسٹرسیدعلی ظفر کی رہنمائی میں پارلیمان میں پریزینٹیشن کیلئے کئی بلز کا مسودہ تیار کرلیا،بلز پر نئی وفاقی کابینہ غور کرے گی
جمعہ 17 اگست 2018 18:12
(جاری ہے)
وفاقی وزیرنے کہاکہ نگران حکومت کا یہ طرہ امتیاز رہاکہ اس نے مختصر مدت میں ضابطہ دیوانی(ترمیمی) بل 2018ء کو حتمی شکل دیدی ہے، اس بل کا مقصد منصفانہ ٹرائل کے بنیادی حق پر کوئی سمجھوتہ کئے بغیردیوانی مقدمات کو جلدازجلد نمٹانا ہے، نالش دائرکرنے، تعمیل سمن، تحریری بیان جمع کرنے، ابتدائی سماعت، مقدمات کے متبادل تصفیہ، کیس منیجمنٹ سسٹم ، روزانہ کی بنیادپرسماعت، گواہی کی ریکارڈنگ، مقدمات کی جلد سماعت اوراپیلوں کے ضمن میں اصلاحات تجویز کی گئی ہیں۔
وفاقی وزیرنے کہاکہ جو تجاویز مرتب کی گئی ہیں ان میں سول عدالتوں کی غیرضروری صوابدید اور التواء کی اجازت کو محدودکرنا اورغلطی پرمتعلقہ فریق پر لاگت کی شکل میں بھاری جرمانے عائدکرناشامل ہے، ان اصلاحات کا مقصد مقدمات چلانے کے نظام میں انقلابی تبدیلیاں لانا اوراسے ترقی یافتہ ممالک میں رائج نظام کے مطابق بنانا ہے، ابتدائی طورپراس کا طلاق صرف اسلام آباد میں ہوگا۔انہوںنے کہاکہ عوامی مقامات کے تحفظ اوروفاقی عوامی مقامات کے نام رکھنے یا تبدیل کرنے کیلئے ضابطہ کاربنانے سے متعلق ایک اوربل کوبھی حتمی شکل دیدی گئی ہے۔انہوں نے کہاکہ عوامی مقامات کے نام کاسمت سازی، ابلاغ، روحانیت کے اعتراف اور وقت مخصوص میں کسی کمیونٹی کی اقدار میں اہم کردار ہوتا ہے ، عوامی مقامات کے نام تاریخی اورثقافتی تناظر رکھتے ہیں اور یہ کسی شک وشبے کے بغیر جغرافیائی اورعوامی مقامات کی ضروری خدمات کے نظام، بنیادی ڈھانچہ اورپبلک ایڈمنسٹریشن کی تشخیص کرتی ہے تاہم فی الوقت اس طرح کے عوامی مقامات بشمول عمارتوں اورسٹرکچرز کیلئے کوئی قانونی تقدس اورتحفظ فراہم نہیں کیا گیاہے، اس بل کے ذریعے عوامی مقام، عمارت یا سٹرکچر کیلئے نام تجویز یا تحقیق کرتے وقت ایک فریم ورک کے تحت کام کی تجویز دی گئی ہے جس کے تحت نام رکھنے والی کمیٹی اوروفاقی حکومت ایک مربوط، پائیدار اور منصفانہ پروٹوکول پر عمل درآمد کی پابند ہوگی۔ وفاقی وزیر نے کہاکہ ازالہ حیثیت عرفی کے آرڈی ننس مجریہ 2002ء میں سیکشن 14 کے اضافے کے باوجود، جس کے تحت اس طرح کے مقدمات کا فیصلہ 90 روز میں نمٹانے کا کہاگہاہے، ازالہ حیثیت عرفی کے مقدمات بے حد تاخیر کا شکارہوجاتے ہیں اورازالہ حیثیت عرفی کے مقدمات کو نمٹانے میں کئی برس لگ جاتے ہیں، اس تاخیر کی وجہ سے ازالہ کی افادیت کم ہوجاتی ہے جبکہ موجودہ طریقہ کار کے تحت جھوٹے اوربدنامی کا باعث بننے والے غیرسنجیدہ بیانات کی اشاعت کو روکنے کا کوئی طریقہ موجود نہیں۔انہوں نے کہاکہ ازالہ حیثیت عرفی آرڈی ننس مجریہ 2002ء میں ترمیم کیلئے ایک بل تیارکرلیا گیاہے جس کا مقصداس حوالے سے ضابطہ کارکوبہتربناناہے تاکہ ازالہ حیثیت عرفی کے مقدمات کو جلدازجلدنمٹایا جاسکے اورغیرضروری اورغیرسنجیدہ قانونی چارہ جوئی کی روک تھام کی جاسکے، ہرجانہ کی کم سے کم اورزیادہ سے زیادہ کی رقم کے حوالے سے بھی تجاویز دی گئی ہے تاکہ اسے معقول سطح پرلایا جاسکے کیونکہ آخری بار ہرجانہ کا تعین 2004ء میں کیا گیا تھا، تعمیل فرمان کے حوالے سے اپیلٹ کورٹ میں حکم امتناعی کیلئے سیکیورٹی کی فراہمی بھی لازمی قراردی گئی ہے۔انہوں نے کہاکہ غیرمنقولہ جائیداد کے غیرقانونی اورناقص انتقال کی وجہ سے عدالتوں میں بے شمارمقدمات التواء کا شکارہیں، اس مسئلہ کے حل کیلئے ضروری قرار دیا گیاہے کہ ایک کروڑ سے زائد مالیت کی غیرمنقولہ جائیداد کی خریدوفروخت کے تمام فریق لین دین میں وکیل کو شامل کرنے کے پابند ہونگے، فریقین کے وکیل دستاویز انتقال ملکیت کی سکروٹنی کریں گے تاکہ اس بات کو یقینی بنایا جائے کہ یہ انتقال قانون کے عین مطابق ہے، وہ اس بات کی تصدیق کریں گے کہ انتقال ملکیت کی دستاویز، انتقال کرنے والے اور جس کے نام انتقال ہورہاہے، کی آزادانہ مرضی سے سب رجسٹراریا رجسٹرار کی موجودگی میں ہو۔ انہوں نے کہاکہ آنیوالی حکومت کے توجہ کیلئے رجسٹریشن ایکٹ مجریہ 1908ء میں ایک ترمیم کوبھی حتمی شکل دی گئی ہے،زبانی معاہدوں کی وجہ سے غیرمنقولہ جائیدادوں کے جائز اورقانونی مالک بلاشبہ محروم رہ جاتے ہیں اور یہ طویل اورغیرضروری وغیرسنجیدہ مقدمات کی بنیاد بن جاتے ہیں، غیرمنقولہ جائیداد کے انتقال میں قانون کے اس غلط استعمال کوزبانی معاہدوں پرپابندی کی صورت میں روکا جاسکتا ہے، اس سے عدالتوں پر غیرضروری اورغیرسنجیدہ مقدمات کا بوجھ بھی کم ہوجائیگا۔بیرسٹرعلی ظفر نے کہاکہ سپیسفک ریلیف ایکٹ مجریہ 1877ء ترمیم کیلئے ایک بل کو حتمی شکل دی گئی ہے جو آنیوالی نئی حکومت کی توجہ کیلئے پیش کی جائیگی، اسی طرح بزرگ شہریوں کی فلاح وبہبود، دہشت گردی سے متاثرہ عام شہریوں کی ریلیف اوربحالی ، خواتین ورکروں کیلئے زچگی کی سہولیات اور نشہ آور شے ’’آئس‘‘ کی بیخ کنی کیلئے بھی بلوں کو حتمی شکل دیدی گئی ہے، یہ تمام بلز نئی حکومت کو پیش کئے جائیں گے۔وفاقی وزیرنے کہاکہ عوام کوفوری انصاف کی فراہمی ، نوکریاں پیداکرنے کیلئے براہ راست غیرملکی سرمایہ کاری کو راغب کرنے اوراسلوب حکمرانی میں بہتری اورسرکاری افسران کی جانب سے اختیارایت کے ناجائز استعمال کوروکنے کیلئے قانون میںمزید اصلاحات کی ضرورت ہے۔ انہوں نے کہاکہ نگران حکومت نے مختصرمینڈیٹ اورمختصر وقت میں بہترطورپرکام کیا ہے، مندرجہ بالا اہداف اورمقاصد کے حصول کیلئے اصلاحات کا عمل جاری رکھنے اوراس حوالے سے قانون سازی نومنتخب حکومت کے سامنے ایک بڑا چیلینج ہے۔متعلقہ عنوان :
اسلام آباد میں شائع ہونے والی مزید خبریں
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
وزیراعظم محمد شہباز شریف کی زیر صدارت وفاقی کابینہ کا اجلاس، صوبہ بلوچستان میں انسدادِ منشیات کے مقدمے ..
اسلام آباد میں دفعہ 144 نافذالعمل ہے، خلاف ورزی کرنے والوں کے خلاف سخت کارروائی ہو گی، پولیس ترجمان
کل جماعتی حریت کانفرنس کا امان اللہ مرحوم کو برسی پر خراج عقیدت
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
مفاہمت کس سے کریں ؟سامنے والے کے ہاتھ جیب میں ہیں،سینیٹر عرفان صدیقی کا سینیٹ میں اظہار خیال
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
پنجاب اسمبلی کے حلقوں میں ضمنی انتخاب میں کامیاب امیدواروں کا نوٹیفکیشن جاری
سینیٹر شبلی فراز نے حکومت سے بات چیت کیلئے مشروط آمادگی ظاہر کر دی
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
اڈیالہ جیل،قیدیوں کی سیاسی گفتگو پر پابندی کی شق کالعدم قرار دینے کی درخواست پر سماعت ملتوی
پنجاب میں رہنماؤں کے گھر چھاپے مارے جارہے ہیں، پولیس گردی ختم ہونی چاہیے، عمر ایوب
اسلام آباد سے متعلقہ
پاکستان کی تازہ ترین خبریں
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
لاہور میں 50 مقامات پر مفت انٹرنیٹ سروس کا آغاز
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
عالمی اور مقامی مارکیٹوں میں سونے کی قیمت میں مزید اضافہ
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
-
اسٹیٹ بینک کی مارکیٹ سے ریکارڈ 4.2 ارب ڈالر کی خریداری
-
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
اہم کھلاڑی نہیں کھیلتے تو فرق پڑتا ہے، فخر زمان