اسلام آباد ہائی کورٹ نے پب جی گیم معطلی کے خلاف درخواست پی ٹی اے کو بھجوادی

پی ٹی اے قانون کو مدنظر رکھ کر درخواست پر تحریری فیصلہ کرے، درخواست منظور یا مسترد کرتے ہوئے متعلقہ قانون کا ذکر کیا جائے ، عدالتی حکم

پیر 6 جولائی 2020 20:07

اسلام آباد ہائی کورٹ نے پب جی گیم معطلی کے خلاف درخواست پی ٹی اے کو بھجوادی

اسلام آباد (اُردو پوائنٹ اخبارتازہ ترین - آن لائن۔ 06 جولائی2020ء) اسلام آباد ہائی کورٹ نے پب جی گیم معطلی کے خلاف درخواست پی ٹی اے کو بھجواتے ہوئے حکم دیا کہ پی ٹی اے قانون کو مدنظر رکھ کر درخواست پر تحریری فیصلہ کرے۔

(جاری ہے)

عدالت نے ہدایت دی کہ پی ٹی اے درخواست منظور یا مسترد کرتے ہوئے متعلقہ قانون کا ذکرکرے ،شہری عبد الحسیب ناصر کی درخواست پر سماعت جسٹس عامر فاروق نے کی پی ٹی اے کے وکیل نے عدالت کو بتایا کہ آٹھ جولائی بدھ کو پی ٹی اے درخواست گزار کو سن کا فیصلہ کرے گا اس موقع پر جسٹس عامر فاروق نے استفسار کیا کہ یہ کیا گیم ہے یا ویب سائٹ جس پر وکیل نے عدالت کو بتایا کہ یہ لنک ہے جس کو پی ٹی اے نے عارضی معطل کیا ہے عدالت نے استفسار کیا کہ اس میں کیا ایسا ہی جس کی وجہ سے آپ نے معطل کیاجس پر وکیل پی ٹی اے نے عدالت کو بتایا کہ لاہور پولیس نے پب جی گیم کے خلاف ایک لیٹر لکھا جس میں خودکشیوں کا ذکر کیا گیا والدین کی جانب سے بھی ہمیں گیم بلاک کرنے کی درخواست دی گئی اس موقع پر عدالت نے ریمارکس دیئے کہ پی ٹی اے نے جو کچھ کرنا ہے قانون کے مطابق ہی کرنا ہے پابندی لگانی یے تو لکھیں فلاں قانون کی خلاف ورزی میں لگائی ہے عدالت نے معاملہ پی ٹی اے کو بھیجوا تے ہوئے درخواست نمٹا دی۔