اُردو پوائنٹ پاکستان اسلام آباداسلام آباد کی خبریںقتل کا مقدمہ فوجی عدالت میں بھجوائے جانے کیخلاف سپریم کورٹ میں درخواست ..

قتل کا مقدمہ فوجی عدالت میں بھجوائے جانے کیخلاف سپریم کورٹ میں درخواست دائر

اسلام آباد (اُردو پوائنٹ اخبارتازہ ترین۔ 06 نومبر2017ء) قتل کا مقدمہ فوجی عدالت میں بھجوائے جانے کیخلاف سپریم کورٹ میں درخواست دائر کردی گئی۔

(خبر جاری ہے)

طارق اسد ایڈووکیٹ کے توسط سے دائر درخواست میں کہا گیا ہے کہ ایبٹ آباد کے رہائشی یوسف حسین کو دو افراد کے قتل میں نامزد کیا گیا تھا جبکہ مذکورہ واقعہ ایک اندھا قتل ہے جس کا کوئی چشم دید گواہ نہیں، درخواست کے مطابق سی ٹی ڈی انسپیکٹر تاج سلطان اور آئی او عبد الرشید نے تفتیش سے بچنے کیلیے معاملہ فوجی عدالت کو بھجوا دیا ہے ،درخواست کے مطابق ملزم یوسف سے کا فوج سے کوئی تعلق نہیں قتل کا واقعہ آرمی ایکٹ کی دفعہ 3/4 اور 2/ون ڈی کے ضمرے میں بھی نہیں آتا، عدالت کو بتایا گیا ہے کہ پولیس نے کیس فوجی عدالت بھجوائے جانے کی اطلاع دینے والے کو بھی اغوا ء کر لیا،اور پولیس نے افضل،ہاشم اور زیشان کو تحویل میں رکھا ہوا ہے تینوں افراد کو ایس ایس اپ، ایس ایچ اور اور آئی او نے غیر قانونی طور پر تحویل میں رکھا ہوا ہے، درخواست میں کہا گیا ہے کہ ملزمان کو جعلی پولیس مقابلے میںقتل کیے جانے کا خدشہ ہے، درخواست میں عدالت عظمی سے استدعا کی گئی ہے کہ کیس کو فوجی عدالت سے واپس بلوایا جائے، اور عدالت سی ٹی ڈی پولیس افسران کو مغویان کو سپریم کورٹ میں پیش کیے جانے کا حکم جاری کرے کیا جائے، استدعا میں کہا گیا ہے کہ معاملے کی سماعت کے بعد مغویان کو انصاف فراہم کیا جائے،درخواست میں وفاق کو فریق بنایا گیا ہے۔



اپنی رائے کا اظہار کریں -

اسلام آباد شہر کی مزید خبریں