نجی سیکٹر نے سولر کوالٹی فاونڈیشن کے اشتراک سے سولر پی وی سسٹم متعار ف کرادیا

اسلام آباد(اُردو پوائنٹ اخبارتازہ ترین - آن لائن۔ 24 اپریل2019ء) اسلام آباد میں نجی سیکٹر نے سولر کوالٹی فاونڈیشن (SQF)کے اشتراک اور آلٹر نیٹو انرجی ڈیولپمنٹ بورڈ (AEDB)کے تعاون سے سولر انرجی نظام کی تنصیب میں معیار کو یقینی بنانے کے لیے ایک نیا آلہ (Solar PV System) ملک متعارف کرادیا ۔پاکستان کے سولر کوالٹی پاسپورٹ کی تعارفی تقریب میں 80کے لگ بھگ کاروباری اور سیاسی اورسول سوسائٹی سے تعلق رکھنے والی ہائی کلاس کمپنیوں کے نمائندے سمیت کاروباری، سول سوسائٹی سمیت دیگر شہبائے زندگی سے تعلق رکھنے والے افراد کی بڑی تعداد نے شرکت کی،واضح رہے کہ اعلی معیار کا وعدہ کرنے والی کمپنیاں کوالٹی اسکین کے لیے www.solarqualitypassport.pkپر رابطہ کرسکتی ہیں، یاد رہے کہ صرف رجسٹرڈ اور آڈٹ کرانے والی کمپنیاں ہی اپنی انسٹالیشن کے لیے سولر کوالٹی پاسپورٹ حاصل کرنے کی مجاز ہونگی۔

(جاری ہے)

اس موقع پر آلٹرنیٹو انرجی ڈیولپمنٹ بورڈ کے چیف ایگزیکٹو آفیسر سجاد احمد نے سولر کوالٹی فاونڈیشن کے ساتھ مل کر سولر کوالٹی پاسپورٹ کا افتتاح کرتے ہوئے کہاہمیں اعتماد ہے کہ سولر کوالٹی فاونڈیشن کا یہ اقدام پاکستان میں سولر انرجی کی تنصیبات اور اس کی پراڈکٹس کے معیار کو مزید بہتر بنانے میں اہم کردار ادا کرے گا۔اس موقع پر مسرت کااظہار کرتے ہوئے سولر کوالٹی فاونڈیشن کے چیئرمین محمد اسحاق بھٹی کا کہنا تھا میں پرجوش ہوں کہ ہم مل کراپنے قومی پارٹنرز اور GIZکے ساتھ مل کر ایک مہینے کی انتھک محنت کے بعد آج گرین بٹن دباکر اس کا آغاز کرکے پاکستان میں شمسی توانائی کے نظام کی تنصیب میں بہتر معیار کے لیے لیڈ کررہے ہیں،ان کا کہنا تھا کہ سولر کوالٹی فاونڈیشن کا یہ اقدام سولر پروڈکٹس کی انسٹالیشن میں بہتری کی جانب ایک اچھا قدم ہے،ہمارے اس اقدام سے پاکستان میں سولر سسٹم کی تنصیبات اور مصنوعات میں بہتری میں اپنا کردا ادا کریگا،ان کا کہنا تھا کہ ان کا کہنا تھا کہ ہماری اس عظیم ایجاد کے ذریعے ہم اس بات کو یقینی بنانے کی بھرپور کوشش کریں گے کہ ہمارے بازاروں میں نصب تمام تنصیبات اعلی معیار اور ، مستحکم اور محفوظ ہوں۔