سارا ایوارڈ شو ایک طرف اور حازم بنگوار ایک طرف

کراچی(اُردو پوائنٹ اخبارتازہ ترین - این این آئی۔ 13 مئی2024ء) سابق اسسٹنٹ کمشنر نارتھ ناظم آباد حازم بنگوار کا منفرد اسٹائل ایوارڈ شو میں لوگوں کی توجہ کا مرکز بن گیا۔11 مئی ہفتے کی شب کراچی میں ‘کشمیر ہم اسٹائل ایوارڈز 2024? کی شاندار تقریب کا انعقاد کیا گیا تھا جس میں فیشن، فلم اور ڈرامہ انڈسٹری کے معروف اور باصلاحیت فنکاروں نے شرکت کی تھی۔

‘کشمیر ہم اسٹائل ایوارڈز 2024? کی تقریب میں فیشن، فلم، ڈرامہ اور اسپورٹس سے منسلک قابل شخصیات کو اٴْن کے زبردست کام اور اسٹائل کے لیے مختلف ایوارڈز سے نوازا گیا۔اس ایوارڈ شو میں جہاں پاکستانی اداکارائیں اپنے بولڈ لباس کی وجہ سے سوشل میڈیا پر ٹرول ہوئیں تو وہیں حازم بنگوار نے اپنے منفرد اسٹائل کی وجہ سے تقریب سمیت سوشل میڈیا صارفین کی توجہ اپنی جانب مبذول کی۔

(جاری ہے)

حازم بنگوار نے سیاہ رنگ کا لباس زیب تن کیا ہوا تھا جس پر اٴْنہوں نے مصنوعی پًر بھی لگائے ہوئے تھے، حازم بنگوار نے اپنے اس منفرد اسٹائل کے ساتھ جیسے ہی ایوارڈ شو کی تقریب میں انٹری دی تو شرکائ اٴْنہیں دیکھ کر دنگ رہ گئے۔اٴْن کی ویڈیوز اور تصاویر سوشل میڈیا پر وائرل ہوئیں تو صارفین نے حازم بنگوار کے فیشن پر مزاحیہ اور دلچسپ تبصرے کیے۔دوسری جانب یاسر حسین نے اپنے آفیشل انسٹاگرام ہینڈل کی اسٹوری میں حازم بنگوار کی تصویر شیئر کرتے ہوئے اٴْن کے منفرد اسٹائل کی تعریف کی۔