پاکستان سمیت دنیا بھر میں آبادی کا عالمی دن کل منایا جائے گا

بدھ 10 جولائی 2019 13:43

فیصل آباد (اُردو پوائنٹ اخبارتازہ ترین - اے پی پی۔ 10 جولائی2019ء) دنیا بھر کے دیگر ممالک کی طرح پاکستان میں بھی آبادی کا عالمی دن (ورلڈ پاپولیشن ڈی) کل جمعرات11جولائی کو بھر پور طریقے سے منایا جائے گا۔

(جاری ہے)

اس موقع پر عالمی ادارہ صحت ، وزارت بہبود آبادی ، محکمہ صحت پنجاب اور پاپولیشن ویلفیئر ڈیپارٹمنٹ پنجاب سمیت آبادی پر کنٹرول کے سلسلہ میں کام کرنے والی این جی اوز کے زیر اہتمام صوبائی دارالحکومت،ڈویژنل ہیڈ کوارٹرز، ڈسٹرکٹ ہیڈ کوارٹرز اور تحصیل کی سطح پر خصوصی واکس ، سیمینارز ، کانفرنسز اور دیگر تقریبات کا اہتمام کیا جائے گا جس کا مقصد بڑھتی ہوئی آبادی کے فوائد و نقصانات ، دو بچے خوشحال گھرانہ ، وسائل کے مطابق بچوں کی پیدائش ، چھوٹا کنبہ سکھ ہزار ، بچے دوہی اچھے جیسے ماٹو کی جانب عوام کی توجہ مبذول کرانے کے ساتھ ساتھ تیزی سے بڑھتی ہوئی آبادی کے معاشی و معاشرتی صورتحال پر اثرات ، ماں و بچے کی صحت سمیت دیگر اہم امور کے بارے میں شعوری بیداری پیدا کرنا ہے۔

ورلڈ پاپولیشن ڈے کے موقع پر الیکٹرانک میڈیا پر خصوصی پروگرامات نشر کئے جائیں گے جبکہ پرنٹ میڈیا بھی خاص مضامین کی اشاعتوں کا اہتمام کرے گا جس میں عوام کو کم آبادی کے فوائد کے بارے میں بھی آگاہی فراہم کی جائے گی۔