پاکستان اور ویسٹ انڈیز کے درمیان تین ٹی ٹوئنٹی اور ایک تین ایک روزہ میچوں کی سیریز کا آغاز تیرہ دسمبر کو ہوگا

پی سی بی کی درخواست پرنیشنل کمانڈ اینڈ کنٹرول سینٹر نے 100فیصد گنجائش کے مطابق شائقین کو آنے کی اجازت دیدی

جمعرات 2 دسمبر 2021 12:20

پاکستان اور ویسٹ انڈیز کے درمیان تین ٹی ٹوئنٹی اور ایک تین ایک روزہ میچوں کی سیریز کا آغاز تیرہ دسمبر کو ہوگا

کراچی(اُردو پوائنٹ اخبارتازہ ترین - این این آئی۔ 02 دسمبر2021ء) پاکستان اور ویسٹ انڈیز کے درمیان تین ٹی ٹوئنٹی اور ایک تین ایک روزہ میچوں کی سیریز کا آغاز تیرہ دسمبر کو ہوگا ۔پی سی بی کی درخواست پرنیشنل کمانڈ اینڈ کنٹرول سینٹر نے 100فیصد گنجائش کے مطابق شائقین کو آنے کی اجازت دیدی، پاکستان سپر لیگ میں تماشائیوں کو اجازت دینے کا فیصلہ دسمبر کے تیسرے ہفتے میں ہوگا۔

ذرائع کے مطابق 13 سے 22 دسمبر تک شیڈول ٹی ٹوئنٹی اور ون ڈے سیریز کے ٹکٹس کی فروخت جمعے سے شروع ہونے کا امکان ہے۔

(جاری ہے)

سب سے مہنگا ٹکٹ ایک ہزار روپے کا رکھا جائے گا،500 اور 250 روپے کے ٹکٹس بھی دستیاب ہوں گے۔ ویکسی نیشن کرانے والے 12 سال تک کے بچے بھی اہل خانہ کے ساتھ اسٹیڈیم آکر میچ سے لطف اندوز ہوسکیں گے۔این سی او سی کی طرف سے ہدایات کے تحت تماشائیوں کومیچ کے دوران ماسک لگانا ضروری ہوگا۔کوویڈ پروٹوکول کی پالیسی پرعمل درآمد لازمی قرار دیا گیا ہے۔واضح رہے کہ ویسٹ انڈیز کی ٹیم 9 دسمبرکوکراچی پہنچ رہی ہے۔سیریز میں 3 ٹی ٹوئنٹی اور اتنے ہی ایک روزہ میچز کھیلے جائیں گے۔کوویڈ صورتحال میں تماشائیوں سے بھرے اسٹیڈیم میں ہونے والی یہ پہلی سیریز ہوگی۔