ہر میچ میں سارے کھلاڑی نہیں چلتے ایک دو کھلاڑی ہی پرفارم کرتے ہیں۔

بیٹنگ میں جو خامی نظر آرہی ہے اس کو دور کرنے پر کام ہورہا ہے کھلاڑی خود بھی اس خامی کو دور کرنا چاہتے ہیں اچھی بات یہ ہے کہ نشاندہی ہوگئی بہتری بھی آجائے گی۔بیٹنگ کوچ پاکستان محمد یوسف

قمرحنیف ہفتہ 24 ستمبر 2022 23:59

کراچی(اُردو پوائنٹ اخبارتازہ ترین۔ 23ستمبر2022ء) جیو نیوز کے مطابق بیٹنگ کوچ محمد یوسف نے کہا ہے کہ ہر میچ میں سارے کھلاڑی نہیں چلتے ایک دو ہی کھلاڑی پرفارم کرتے ہیں

نیشنل اسٹیڈیم میں بیٹنگ کوچ محمد یوسف نے کہا کہ جو خامی نظر آرہی ہے اس کو سب دیکھ رہے ہیں اور دور کرنے کی بھی کوشش کی جارہی ہے، کھلاڑی خود بھی خامی کو دور کرنے کی کوشش کر رہے ہیں گیپ دیکھ کر ایکسٹرا کوور پر سوئپ کرکے رنز بنائے جارہے ہیں، امید ہے جلد بہتری آجائے گی۔

محمد یوسف کا مزید کہنا تھا کہ ایشیا کپ میں مڈل آرڈر نے اچھا پرفارم کیا ہے، بھارت کے خلاف میچ میں نواز نے کامیابی دلائی، خوش دل نے بھی اوپر آکر اچھی بیٹنگ کی اور پاکستان کو کامیابی ملی، ایسا نہیں ہے کہ مڈل آرڈر نے پرفارم نہیں کیا، ہر میچ میں سارے کھلاڑی نہیں چلتے ایک دو کھلاڑی ہی پرفارم کرتے ہیں۔

(جاری ہے)

محمد یوسف نے کہا کہ شان مسعود نے گزشتہ میچ میں نمبر چار پر آکر شاندار بیٹنگ کی وہ اوپر آکر تو نہیں کھیلے، پاکستان کے ٹاپ آرڈر میں اتنے بڑے نام ہیں کہ جب وہ چلتے ہیں تو خود ہی گیم ختم کردیتے ہیں لیکن جب ٹاپ آرڈر جلد آؤٹ ہوجاتا ہے تو میڈل آرڈر اسکور کرتا ہے جس کی مثال گذشتہ میچ میں شان مسعود کی سب کے سامنے ہے، ایسے ہی آہستہ آہستہ سب پرفارم کریں گے تو بہتری آئے گی، ہر ٹیم میں بہتری کی گنجائش ہوتی ہے۔

خیال رہے کہ انگلینڈ اور پاکستان کے درمیان 7 میچز کی ٹی ٹوئنٹی سیریزپاکستان مین جاری ہے جس میں انگلش ٹیم کو 2-1 کی برتری حاصل ہے، چوتھا میچ کل نیشنل اسٹیڈیم کراچی میں کھیلا جائے گا۔جبکہ 3 میچ لاہور میں کھیلے جائیں گے