چیف جسٹس بلوچستان ہائیکورٹ کا خضدار سینٹرل جیل دورہ، 6 قیدیوں کی رہائی کا حکم

ہفتہ 11 مئی 2024 20:15

خضدار(اُردو پوائنٹ اخبارتازہ ترین - این این آئی۔ 11 مئی2024ء) چیف جسٹس ہائی کورٹ بلوچستان محمد ہاشم کاکڑ نے خضدار سینٹرل جیل کا دورہ کیا اس موقع پر انہوں قیدیوں سے ملاقات کی اور ان کے مسائل دریافت کئے۔

(جاری ہے)

دورہ کے موقع پر انہیں جیل کے شعبوں پر بریفنگ دی گئی ان کے ہمراہ انسپکٹر جنرل جیل خانہ جات بلوچستان شجاع الدین کاسی، نوید الیاس ڈی آئی جی جیل خانہ جات خضدار، یاسین بلوچ ایس ایس پی سنٹرل جیل خضدار، ڈپٹی کمشنر خضدار عارف خان زرکون ڈی آئی جی پولیس، ایس ایس پی*خضدار، ڈی آئی جی جیل خانہ جات خضدار و دیگر افسران موجود تھے ایس ایس پی خضدار جیل یاسین بلوچ نے مسائل اور سہولیات کے بارے میں تفصیلات کے ساتھ بریفنگ دی اور معزز چیف جسٹس نے تمام قیدیوں سے ملاقات کی اور مسائل سنے اور جرمانے کی عدم ادائیگی پر حراست میں لیے گئے 6 قیدیوں کو موقع پر رہا کرنے کا حکم دیا۔

معزز چیف جسٹس نے سینٹرل جیل خضدار بیرک، سیلز، ہسپتال، کچن، فوڈز سکول، وی ٹی سی سنٹر، لائبریری، جیل کے دیگر حصوں کا دورہ کیا اور سنٹرل جیل خضدار کی جیل انتظامیہ کے رویے اور محنت سے مطمئن ہوئے۔