بغیر اجازت دوسری شادی پر پہلی بیوی نے شوہر کو تشدد کا نشانہ بنا ڈالا

شادی کی اطلاع پر پہلی بیوی نے شادی ہال میں گھس کر شوہر پر حملہ کر دیا اور دولہے کو چھریوں کے وار کرکے زخمی کردیا

Danish Ahmad Ansari دانش احمد انصاری اتوار فروری 20:09

بغیر اجازت دوسری شادی پر پہلی بیوی نے شوہر کو تشدد کا نشانہ بنا ڈالا
نواب شاہ (اردو پوائنٹ، تازہ اخبار 28 فروری 2021) نواب شاہ کے شہری کو دوسری شادی کرنا مہنگا پر گیا، پہلی بیوی نے شوہر کی دوسری شادی کی اطلاع پر شادی حال میں گھس کر شوہر کو تشدد کا نشانہ بنا ڈالا، تفصیلات کے مطابق نواب شاہ کے رہائشی نے بیوی کی اجازت کے بغیر دوسری شادی کا فیصلہ کیا اور شادی کے لیے باقاعدہ حال بھی بک کروا لیا، تاہم شادی کے عین موقع پر پہلی بیوی نے شادی ہال میں گھس کر اپنے شوہر پر چھریوں کے وار شروع کر دیے- بتایا گیا ہے کہ شادی کی اطلاع پر پہلی بیوی نے شادی ہال میں گھس کر شوہر پر حملہ کر دیا اور دولہے کو چھریوں کے وار کرکے زخمی کردیا ۔

پولیس ذرائع کے مطابق نواب شاہ میں دولہا نیاز مہر زخمی حالت میں طبی امداد کے لئے پیپلز میڈیکل اسپتال منتقل کردیا گیا۔

(جاری ہے)

دولہے پر چھریوں سے تشدد کی وجہ سے شادی کی تقریب میں موجود خواتین اور مردوں میں خوف وہراس سے بھگدڑ مچ گئی، ذرائع کا کہنا ہے کہ حملہ آوور خاتون دولہے کی پہلی بیوی ہے جس نے بغیر اجازت دوسری شادی کی اطلاع پر دلبراشتہ ہوکر یہ اقدام اٹھایا۔

تاہم واقع کی اطلاع ملنے پر پولیس موقع پر پہنچ گئی اور خاتون کو حراست میں لے لیا ۔دولہا کے زخمی ہونے پر عروسی لباس پہنے دلہن ہال میں بےہوش ہوگئی، بتایا گیا ہے کہ زخمی دولہا نیاز مہر چک نمر6 کے نواحی گاؤں علی اکبر مہر کا رہائشی اسکول ٹیچر ہے۔ پولیس کے مطابق دولہا نے اپنی محبوبہ سے خفیہ نکاح کیا ہوا ہے جس پر پہلی بیوی نے تعیش میں آکر حملہ کیا۔                                                                    

متعلقہ عنوان :

لاہور شہر میں شائع ہونے والی مزید خبریں:

Your Thoughts and Comments