qبولڈ فوٹو شوٹ، آمنہ الیاس کو ایک بار پھر تنقید کا سامنا

}تنقید سے تنگ آکر اداکارہ نے انسٹاگرام پر کمنٹ سیکشن بند کردیا

اتوار 12 مئی 2024 17:15

۱لاہور(اُردو پوائنٹ اخبارتازہ ترین - آن لائن۔ 12 مئی2024ء) ماڈل و اداکارہ آمنہ الیاس کو ایک بار پھر بولڈ فوٹو شوٹ پر تنقید کا سامنا ہے، جس کے بعد اداکارہ نے انسٹاگرام پر کمنٹ سیکشن بند کردیا۔آمنہ الیاس نے انسٹاگرام پر اپنی چند تصاویر شیئر کیں، جن میں انہیں ٹاپ لیس دیکھا جا سکتا ہے۔تصاویر میں ماڈل و اداکارہ نے ٹاپ کو پھولوں کے گلدستے سے ڈھانپ رکھا ہے، جس وجہ سے انہیں تنقید کا نشانہ بنایا گیا،ماڈل کی جانب سے اپنے جسم کے اوپر کے حصے کو پھولوں سے ڈھانپنے کے انداز پر سوشل میڈیا صارفین نے اظہار برہمی کرتے ہوئے انہیں آڑے ہاتھوں لیا۔

سوشل میڈیا صارفین نے ان پر عریانی پھیلانے کا الزام بھی لگایا جبکہ انہیں اس طرح کی تصاویر شیئر کرنے پر شرم دلانے کی کوشش کی، زیادہ تر صارفین نے اداکارہ پر تنقید کرتے ہوئے لکھا کہ آمنہ الیاس ہمیشہ اس طرح کے بولڈ فوٹو شوٹ کرواتی ہیں اور وہ مغربی و بھارتی انداز کو کاپی کرتی ہیں۔

(جاری ہے)

صارفین کی شدید تنقید کے بعد اداکارہ نے انسٹاگرام پوسٹ پر کمنٹ سیکشن کو محدود کردیا، جس کے بعد عام صارفین ان کی پوسٹ پر کمنٹس کرنے سے محروم ہوگئے۔اداکارہ کی بولڈ تصاویر کو دوسرے سوشل میڈیا پیجز کی جانب سے بھی شیئر کیا گیا، جہاں صارفین نے آمنہ الیاس کو تنقید کا نشانہ بنایا، تاہم بعض صارفین نے اداکارہ کی تصاویر کی تعریفیں کرتے ہوئے انہیں خوبصورت بھی قرار دیا۔