کم بجٹ ہاﺅسنگ سکیم کے تحت عام آدمی کواپنی چھت میسر ہوگی،مریم نواز

لاہور(اردو پوائنٹ اخبارتازہ ترین۔23 مئی 2024 ) وزیراعلیٰ پنجاب مریم نواز نے کہا ہے کہ پنجاب میں کم بجٹ ہاﺅسنگ سکیم کے تحت عام آدمی کواپنی چھت میسر ہوگی،غریب کیلئے چھت مہیا کرنا ہمار امنشور ہے، وعدہ ضرور پورا کریں گے،کم آمدن والے بے گھر افراد کو بنے بنائے گھر دئیے جائیں گے۔منصوبے کو عملی جامہ پہنانے کیلئے جامع پلان پر کام جاری ہے،وزیراعلیٰ پنجاب مریم نواز نے ایشیائی ترقیاتی بینک کے الٹرنیٹ ایگزیکٹو ڈائریکٹرز کی ملاقات جس میںپنجاب میں ڈویلپمنٹ اورعوام کی فلاح و بہبود کیلئے ملکر کام کرنے پر اتفاق کیا گیا۔

ایشیائی ترقیاتی بینک کے الٹرنیٹ ایگزیکٹو ڈائریکٹرز نے کہا کہ پنجاب کو ترقی کے سفر میں بھرپور سپورٹ کررہے ہیں۔ پاکستان کو خوشحال دیکھنا چاہتے ہیں۔

(جاری ہے)

ترقی اور خوشحالی کے سفر میں پنجاب کے پارٹنر بننا چاہتے ہیں۔ جب کہ پنجاب میں سیکورٹی اور دیگر انتظامات دیکھ کو خوشی ہوئی۔اس موقع پر گفتگو کرتے ہوئے وزیراعلیٰ پنجاب کا کہنا تھا کہ پنجاب کی بہت بڑی آبادیوں کیلئے سیوریج سسٹم لانا بہت بڑا چیلنج ہے، بیشتر شہروں میں ویسٹ مینجمنٹ سسٹم اور لینڈ فل سائٹ موجود نہیں ہے، شہروں اور دیہات میں پینے کے صاف پانی کی فراہمی، سیوریج اور ڈرینج کا پائیدار نظام وضح کیا جارہا ہے۔

فلٹریشن پلانٹ سے متعلق امور کو ایک ہی محکمے کے سپرد کیا جارہا ہے، اس کے علاوہ مہنگائی کو کنٹرول کرنے کیلئے بھی کام کررہے ہیں۔شرمپ فارمنگ پرکام جاری ہے اور کسانوں کیلئے جامع کسان کارڈ لارہے ہیں۔دنیا کے پہلے ورچوئل وویمن پولیس اسٹیشن سے پانچ ہزار شکایات یا ازالہ کرچکے ہیں۔ نواز شریف آئی ٹی سٹی 10 سال کیلئے ٹیکس فری کررہے ہیں۔ وزیراعلیٰ پنجاب مریم نواز کا مزید کہنا تھاکہ صحت، تعلیم، انفراسٹرکچر اور انفارمیشن ٹیکنالوجی پر کام تیزی سے جاری ہے۔ سکولوں کی کارکردگی کے لحاظ سے کیٹگری بنارہے ہیں، ٹیچر ٹریننگ اور انرولمنٹ پراجیکٹ لارہے ہیں، جب کہ ہسپتالوں میں ڈاکٹروں کی کمی پوری کریں گے۔