لاہور،ماڈل ٹائون ڈویژن پولیس کی گذشتہ ہفتے کی کارکردگی رپورٹ جاری

جمعہ 8 نومبر 2019 23:42

لاہور۔8 نومبر(اُردو پوائنٹ اخبارتازہ ترین - اے پی پی۔ 08 نومبر2019ء) ڈی آئی جی آپریشنز لاہور اشفا ق خان کی ہدایت پرماڈل ٹائون ڈویژن پولس کا جرائم پیشہ عناصر کے خلاف کریک ڈاؤن جاری ہے۔ ایس پی ماڈل ٹائون ڈویژن عمران احمد ملک کی زیرِنگرانی ماڈل ٹائون ڈویژن پولیس نے اشتہاری و سنگین جرائم میں ملوث عناصر کے خلاف کارروائی کرتے ہوئے گذشتہ ہفتہ کے دوران مختلف جرائم میں ملو ث132 ملزمان گرفتار کر لیئے۔

(جاری ہے)

ڈکیتی و چوری کی وارداتوں میں ملوث2گینگزگرفتار کر کے ملزمان کے قبضہ سی4 لاکھ 50 ہزار روپے سے زائد مالیت کا مسروقہ مال برآمد کیا گیا۔ناجائزاسلحہ کے خلاف کارروائی کے دوران12 ملزمان کے قبضہ سی10پسٹلز،1رائفل اور گولیاں برآمدکی گئی۔ منشیات فروشوں کے خلاف کارروائی کرتے ہوئی22ملزمان کو گرفتار کر کی8کلو سے زائد چرس اور155لیٹر شراب برآمد کی گئی۔ ڈکیتی،چوری،دھوکہ دہی،امانت میں خیانت،چیک ڈس آنر سمیت مختلف مقدمات میں مطلوب 15 اشتہاری وعدالتی مجرمان کو بھی گرفتار کیاگیا۔ ون ویلنگ،پتنگ بازی، ہوائی فائرنگ،پرائس کنٹرول اور لاؤڈسپیکرایکٹ کی خلاف ورزی پر56 ملزمان کو بھی گرفتار کیا گیا۔