ظ*پوری توجہ مہنگائی میں کمی لاکر عوام کو ریلیف دینے پر مرکوز ہی:مریم نوازشریف

آ*پاکستان سٹاک مارکیٹ روز بروز ریکارڈز قائم کر رہی ہے،سٹاک مارکیٹ 100 انڈیکس کا مثبت رحجان خوش آئند ہے الحمدللہ،پاکستان اور پاکستانی عوام کیلئے اچھے دن آ رہے ہیں، یو اے ای کی جانب سے 10 ارب ڈالر کی سرمایہ کاری کے بیان کا خیرمقدم کرتے ہیں ة مسلم لیگ (ن) کی حکومت کو تاجروں صنعتکاروں اورسرمایہ کاروں کا اعتماد حاصل ہی:وزیراعلیٰ پنجاب

ہفتہ 25 مئی 2024 20:05

لاہور (اُردو پوائنٹ اخبارتازہ ترین - آن لائن۔ 25 مئی2024ء) وزیراعلیٰ پنجاب مریم نواز شریف نے کہاہے کہ حکومت کی پوری توجہ مہنگائی میں کمی لاکر عوام کو ریلیف دینے پر مرکوز ہے۔ پاکستان اور پاکستانی عوام کے لئے اچھے دن آ رہے ہیں۔ یو اے ای کی جانب سے 10 ارب ڈالر کی سرمایہ کاری کے بیان کا خیرمقدم کرتے ہیں۔ایک بیان میں وزیر اعلی مریم نوازشریف نے کہاکہ الحمدللہ، 10 ارب ڈالر کی سرمایہ کاری مسلم لیگ ن کی حکومت پر بیرونی اعتماد کاناقابل تردید ثبوت ہے۔

مثبت معاشی عشاریے پاکستان کیلئے بہتر مستقبل کی نوید ہیں۔وزیراعلی مریم نوازشریف نے کہاکہ پاکستان سٹاک مارکیٹ روز بروز ریکارڈز قائم کر رہی ہے۔ سٹاک مارکیٹ 100 انڈیکس کا مثبت رحجان خوش آئند ہے۔ انہوں نے کہاکہ روٹی سمیت دیگر اشیا کے نرخ میں مزید کمی ہوگی۔

(جاری ہے)

مہنگائی کی شرح میں کمی آئے گی اور پاکستانی کرنسی مستحکم ہوگی۔ مسلم لیگ (ن) کی حکومت کو تاجروں صنعتکاروں اورسرمایہ کاروں کا اعتماد حاصل ہے۔

پاکستان میں فارن ڈائریکٹ انویسٹمنٹ کیلئے شہباز شریف حکومت کی کاوشیں قابل تحسین ہیں۔وزیراعلی مریم نوازشریف نے کہاکہ انشاللہ مسلم لیگ (ن) کی حکومت میں پاکستان اپنا کھویا ہوا مقام حاصل کرے گا۔ وزیراعلی مریم نوازشریف نے مزید کہاکہ دعا ہے اللہ تعالیٰ پاکستان کی ترقی میں رکاوٹ ڈالنے والے عناصر کے شر سے ملک کو محفوظ رکھے۔