ا*جشن آزادی،مری میں علما مشائخ کونسل اور پیپلزپارٹی دیگر پر سبقت

ةمری(اُردو پوائنٹ اخبارتازہ ترین - آن لائن۔ 17 اگست2026ء) جشن آزادی کے موقع پر مری میں سیاسی و مذہبی جماعتوں کی جانب سے مختلف تقریبات اور ریلیوں کا انعقاد کیا گیا،علما مشائخ کونسل اور پاکستان پیپلزپارٹی نے مختلف مقامات پر بھرپور سرگرمیوں کا اہتمام کیا،علما مشائخ کونسل کے زیر اہتمام سید نوید الحسنین کاظمی اور پیر عظمت شاہ کی قیادت میں بڑی آزادی ریلی نکالی گئی،جس میں مہمان خصوصی رضا محی الدین سمیت بڑی تعداد میں افراد نے شرکت کی، ریلی نہ مری سے شروع ہوکر ایکسپریس وے تک پہنچی،جہاں شرکا نے وطن عزیز اور افواج پاکستان سے محبت و عقیدت کا اظہار کیا،دوسری جانب پاکستان پیپلزپارٹی مری کی جانب سے بانسرہ گلی، گھوڑا گلی،لہتراڑ اور دیگر مقامات پر جشن آزادی کی تقریبات منعقد ہوئیں اور کیک کاٹے گئے،تقریبات میں پیپلزپارٹی راولپنڈی ڈویڑن کے صدر شوکت علی عباسی،ضلع مری کے عہدیداران جبار ستی،ثاقب عباسی، سردار رجب خان، کامران ریاض عباسی، عاشق جہانگیر عباسی، راجہ طفیل اخلاق،شہریار افتخار عباسی،حسن عابد عباسی،عمر عباسی، سید علی رضا شاہ،راجہ منصور اخلاق،توصیف عباسی، عابد سرور اور دیگر کارکنوں نے شرکت کی، تقریبات کے دوران مقررین نے پاکستان سے محبت کا اظہار کرتے ہوئے افواج پاکستان کو خراج تحسین پیش کیا جبکہ پاک سعودی عرب اور ترکیہ کے معاہدے پر بھی خوشی کا اظہار کیا گیا