بجلی چوروں کے خلاف سخت ترین اقدامات کئے جا رہے ہیں،ایس ای میپکومظفرگڑھ

مظفر گڑھ (اُردو پوائنٹ اخبارتازہ ترین - اے پی پی۔ 05 جون2020ء) سپرنٹنڈنگ انجینئرمیپکو سرکل مظفر گڑھ انجینئرمہرنذرمحمدڈب نے کہا ہے کہ میپکو سرکل مظفرگڑھ میں خصوصی ٹیموں اورٹاسک فورسز نے بجلی چوروں کے خلاف آپریشن کرتے ہوئے صرف4دنوں میں 58 بجلی چوروں کو رنگے ہاتھوں مختلف طریقوں سے بجلی چوری کرتے ہوئے میپکوسرکل مظفرگڑھ میں پکڑا اور ان کو 60342یونٹ11لاکھ92ہزار02سو62روپے جرمانہ کیا گیاہے اور27بجلی چوروں کے خلاف ایف آئی آربھی متعلقہ تھانوں میں درج کروائی گئی ہے۔

(جاری ہے)

ا نہوں نے کہاکہ میپکو سرکل مظفر گڑھ میں بجلی چوروں کے خلاف وزارت توانائی کی ہدایات کی روشنی میں سخت ترین اقدامات کئے جا رہے ہیں اور سرکل میں بڑے بڑے بجلی چوروں سے آہنی ہاتھوں سے نمٹاجائے گا۔انہوں نے کہا کہ میپکوسرکل مظفرگڑھ میں بجلی چوروں کے خلاف آپریشن بلاامتیاز جاری رہے گا اور بجلی چوروں سے کوئی رعائت نہیں کی جائے گی چاھے وہ کتنے ہی بااثرکیوں نہ ہوں۔سپرنٹنڈنگ انجینئرنے میپکوصارفین سے بھی اپیل کی ہے کہ وہ اپنے بجلی بل اوربقایاجات وقت پراداکریں تاکہ بہت سی پریشانیوں سے بچ سکیں اورسرکل میں بجلی کی چوری روکنے کے لیے میپکوکی ٹیموں کے ساتھ مکمل تعاون کریں تاکہ ان قوم بنائیں۔