ڈی جی سپورٹس کی جانب سے ناروے فٹ بال کپ جیتنے والی ٹیم کے رکن محمد انیس کا پرتپاک استقبال

پشاور (اُردو پوائنٹ اخبارتازہ ترین - این این آئی۔ 06 اگست2025ء) ناروے فٹ بال کپ جیتنے والی پاکستان ٹیم کے مایہ ناز رکن محمد انیس کی وطن واپسی پر ڈائریکٹر جنرل سپورٹس خیبرپختونخوا تاشفین حیدر کی قیادت میں پشاور سپورٹس کمپلیکس میں شاندار استقبال کیا گیا۔ محمد انیس کا تعلق لنڈی کوتل ضلع خیبر سے ہے اور انہوں نے بین الاقوامی سطح پر پاکستان کا نام روشن کیا۔

(جاری ہے)

ڈی جی سپورٹس تاشفین حیدر نے محمد انیس کو پھولوں کے ہار پہنائے اور ان کی شاندار کارکردگی کو سراہتے ہوئے کہا کہ محمد انیس جیسے باصلاحیت نوجوان نہ صرف خیبرپختونخوا بلکہ پورے پاکستان کا فخر ہیں۔ ان کی محنت، لگن اور کامیابی ہماری نوجوان نسل کے لیے مشعل راہ ہے۔ حکومت ایسے باصلاحیت کھلاڑیوں کی ہر ممکن سرپرستی اور تعاون یقینی بنائے گی۔

اس موقع پر ڈائریکٹر سپورٹس آپریشن جمشید بلوچ، ریجنل سپورٹس آفیسر پشاور کاشف فرحان، اسسٹنٹ ڈائریکٹر سپورٹس ضم اضلاع محمد ریاض، چیف کوچ شفقت اللہ، نائب صدر خیبر پختونخوا ٹیک بال ایسوسی ایشن اختر رسول، ایڈمنسٹریٹر یوسف آفریدی، کوچ امان اللہ سمیت دیگر حکام بھی موجود تھے، جنہوں نے محمد انیس کو مبارکباد دی اور ان کی بین الاقوامی کامیابی پر فخر کا اظہار کیا۔