&سیلابی صورتحال میں عوام کے جان و مال کی حفاظت میں دقیقہ فروگزاشت نہیں کریں گے ، ڈی سی پشین

اتوار 14 اپریل 2024 20:35

۵پشین(اُردو پوائنٹ اخبارتازہ ترین - آن لائن۔ 14 اپریل2024ء) ڈپٹی کمشنر کیپٹن ریٹائرڈ جمعہ داد خان مندوخیل نے کہا ہے کہ موجودہ سیلابی صورتحال کو مدنظر رکھتے ہوئے عوام کے جان و مال کی حفاظت میں ایک دقیقہ فروگزاشت نہیں کریں گے اور اس بابت عوام کا انتظامیہ کے ساتھ تعاون بھی اہمیت کا حامل ہے ان خیالات کا اظہار انہوں نے سیلابی ریلے سے متاثرہ کلی(ڈب خانزئی)اورتحصیل برشور میں (طور مرغہ) پل کی بحالی کے کام کا جائزہ لینے کے دوران وہاں موجود عوام سے بات چیت کرتے ہوئے کیا انہوں نے انتظامیہ کو بہتر اقدامات جاری رکھنیاور عوام کو احتیاطی تدابیر اختیار کرنے کے احکامات جاری کرتے ہوئے کہا ہے کہ ضلعی انتظامیہ اور پی،ڈی،ایم،اے کے اہلکاران سیلابی ریلوں سے متاثرہ مقامات پرعوام کی جان ومال کی حفاظت کے لیے اپنے فرائض کی بجا آوری میں مصروف عمل رہیں اور عوام غیر ضروری سفر کرنے سے گریز کریں ڈپٹی کمشنر نے کہا کہ ہماری بھرپور کوشش ہے کہ اس بابت عوام کا آمدورفت معطل نہ ہونے پائے اور انہیں ہرقسم کی پریشانی سے محفوظ رکھنے کے لیے تمام ضروری اقدامات اٹھائے جائیں جبکہ کسی ناخوشگوار واقعہ سے قبل ایک جامع منصوبہ بندی کے تحت حتیاطی تدابیر اختیار کیے جائیں دریں اثناء انہوں نے آسمانی بجلی گرنے کے واقعے میں جاں بحق افراد کے حق میں دعا مغفرت کی اور کہا کہ پروردگار لواحقین کو صبر جمیل عطا فرمائیں۔