ڈپٹی کمشنر نصیر آباد بتول اسدی نے سال 2021 میں شروع کردہ نکاسی آب کے منصوبے کا جائزہ لیا

کوئٹہ (اُردو پوائنٹ اخبارتازہ ترین - اے پی پی۔ 28 مارچ2024ء) ڈپٹی کمشنر نصیر آباد بتول اسدی نے سال 2021 میں نکاسی آب کے منصوبے کا جائزہ لیا منصوبے کو پی سی ون کے مطابق مکمل کروانے کے عمل پر زور دیا۔ ڈپٹی کمشنر نے سول ہسپتال سید عاشق رسول شاہ پمپنگ اسٹیشنز کا بھی جائزہ لیا ۔چیف آفیسر میونسپل کمیٹی بشیر احمد سدھایو حاجی خان جونیجو سید حیدر شاہ نادر علی عمرانی بابو اصغر رند بھی موجود تھے ۔

ڈپٹی کمشنر نصیرآباد بتول اسدی نے احکامات دیئے کہ سرکار کی طرف سے نکاس آب کے لئے جو رقم فراہم کی گئی ہے اسے جلد از جلد مکمل کیا جائے باقی ماندہ کام کی عدم تکمیل سے مسائل جنم لے رہے ہیں اور عوام کو مشکلات درپیش آرہی ہے مختلف گلی محلوں اور مارکیٹوں میں گندے پانی کی وجہ سے عوام کو سخت دشواریوں کا سامنا کرنا پڑ رہا ہے ، انجینئر اس منصوبے کے باقی کام کو جلد از جلد مکمل کروائیں ۔

(جاری ہے)

بتول اسدی نے کہا کہ میونسپلٹی عملہ شہر کے نکاس آب پر خصوصی توجہ دیں کیونکہ اس سے عوام کو سخت مشکلات کا سامنا کرنا پڑ رہا ہے ۔نکاسی آب کے حوالے سے عوام کی کئی شکایات ہمیں موصول ہو رہی ہیں جن کا ازالہ ہونا انتہائی ضروری ہے ہمیں لوگوں کے مسائل اور ان کی تکالیف کا بخوبی اندازہ ہے اس لیے میونسپل کمیٹی نکاس آب کے سسٹم کو مزید بہتر بنانے کے لیے اپنا کردار ادا کریں۔