عمران خان کے قومی اسمبلی میں تمام خطاب عوامی امنگوں کے ترجمان تھے ،لبنیٰ تبسم

سیالکوٹ(اُردو پوائنٹ اخبارتازہ ترین - آن لائن۔ 07 جولائی2020ء) پاکستان تحریک انصاف کی ڈپٹی جنرل سیکرٹری خواتین ونگ سینٹرل پنجاب لبنیٰ تبسم ایڈووکیٹ نے کہا ہے کہ وزیراعظم عمران خان نے حالیہ دنوں میں قومی اسمبلی کے ایوان میں جتنے بھی خطابات کئے وہ سب عوام کی امنگوں کے ترجمان تھے ، حکومت عوامی مینڈیٹ کی امنگوں کے مطابق ملک وقوم کی بہتری کے لئے اقدامات کررہی ہے۔

انہوںنے مزیدکہاکہ کسی کو عوام کے حقوق پر شب خون نہیں مارنے دیں گے۔ عمران خان اور سردار عثمان بزدار نے جنوبی پنجاب سیکرٹریٹ کا وعدہ پورا کر دکھایا۔ عوام کی بہتری کی خاطر دن رات کام کر رہے ہیں۔اپوزیشن کے پاس حکومت پر الزام تراشیوں کے علاوہ اور کوئی مینڈیٹ نہیں،انہوںنے کہا ہے کہ عام آدمی کو ریلیف دینے کیلئے ہرممکن اقدام اٹھائے جا رہے ہیں، اشیائے ضروریہ کی قیمتوں میں غیر ضروری اضافہ برداشت نہیں کیا جائے گا، لبنیٰ تبسم ایڈووکیٹ نے کہا کہ حکومت کاہر قدم عوام کو ریلیف کی فراہمی کیلئے ہے، سابق حکمرانوں نے عوام کی اصل ترجیحات کو نظر انداز کیااور ماضی میں ذاتی نمائش کیلئے منصوبوں پر قومی وسائل ضائع کئے گئے، قومی وسائل عوام کی امانت ہیں،قومی وسائل کو ذاتی مقاصد کیلئے استعمال کرنا خیانت ہے،موجودہ حکمران سرکاری خزانے کی پائی پائی کے امین ہیں۔

(جاری ہے)

انہوں نے مزید کہاکہ کسی کو قومی وسائل کی لوٹ مار نہیں کرنے دیں گی