گیرو ڈی اٹالیہ سائیکل ریس کا 108 واں ایڈیشن 9 مئی سے شروع ہوگا

پیر 5 مئی 2025 12:08

روم (اُردو پوائنٹ اخبارتازہ ترین - اے پی پی۔ 05 مئی2025ء) انٹرنیشنل سائیکلنگ یونین (یو سی آئی) کے زیر اہتمام گیرو ڈی اٹالیہ سائیکل ریس کا 108 واں ایڈیشن 9مئی سے البانیہ میں شروع ہوگا،جس کا اختتام اٹلی کے دارالحکومت روم میں ہوگا۔ گیرو ڈی اٹالیہ ایک گرینڈ ٹور سائیکلنگ سٹیج ریس ہے جو تین ہفتوں میں مکمل ہوگی۔ ایونٹ کا 108 واں ایڈیشن رواں ماہ 9 مئی سے شروع ہوکر یکم جون کو اٹلی کے مشہور شہر روم میں اختتام پذیر ہوگا۔

(جاری ہے)

ریس میں 2 انفرادی ٹائم ٹرائل مراحل ہوں گے اور اس کے علاوہ 200 کلومیٹر سے زیادہ طویل 3 مراحل ہوں گے۔ریس کی میزبانی اٹلی ہی کرے گا۔ سائیکل ریس میں دنیا کے نامور سائیکلسٹس شرکت کرینگے۔ گیرو ڈی اٹالیہ سائیکل ریس 21 مرحلوں پر محیط ہوگی جس میں سائیکل سوار 3413.3 کلو میٹر کا سفر طے کریں گے۔ گیرو ڈی اٹالیہ سائیکل ریس میں 22 ٹیمیں ٹائٹل کے حصول کے لئے ایکشن میں نظر آئیں گی۔ گیرو ڈی اٹالیہ سائیکل ریس 9مئی سے شروع ہوکر 24 روز جاری رہنے کے بعد یکم جون کو اختتام پذیر ہوگی۔ ٹیم ایمرٹس کے سلواکین سائیکلسٹ تڈیج پوگاچر گیرو ڈی اٹالیہ سائیکل ریس میں اپنے اعزاز کا دفاع کریں گے ۔\932

وقت اشاعت : 05/05/2025 - 12:08:30