ایبٹ آباد، معرکہ حق جشن آزادی ٹیبل ٹینس مقابلے اختتام پذیر ہو گئے

ایبٹ آباد (اُردو پوائنٹ اخبارتازہ ترین - اے پی پی۔ 08 اگست2025ء) ڈائریکٹر جنرل سپورٹس تاشفین حیدر کی ہدایت پر ضلعی انتظامیہ اور ریجنل سپورٹس آفس کے باہمی اشتراک سے سٹی سپورٹس کمپلیکس میں جاری معرکہ حق جشن آزادی ٹیبل ٹینس بوائز ایونٹ میں گورنمنٹ ڈگری کاج کے حمزہ نے ماڈرن ایج کے حذیفہ کو شکست دےکر ایونٹ ٹرافی اپنے نام کر لی۔ جونیئرز میں آرمی برن ہال کے محمد حارث نے اپنے حریف کو شکست دےکر ایونٹ اپنے نام کر لیا ۔

گرلز میں ماہ نور نے مریم کو ایک زبردست مقابلے کے بعد تین دو سے شکست دےکر ٹائٹل اپنے نام کیا۔

(جاری ہے)

ڈبلز بوائز فائنل میں حذیفہ چوھدری اور حمزہ نے حذیفہ زاہد اورحسن شاہد کو شکست دےکر ٹائٹل اپنے نام کر لیا۔گرلزڈبلز میں زرنش اور ماہ نور نے قدسیہ اور مریم کو شکست دیےکر ٹائٹل اپنے نام کر لیا۔ اس موقع پر ریجنل سپورٹس آفیسر احمد زمان نے انعامات تقسیم کئے۔ ان کا کہنا تھا کہ ڈائریکٹوریٹ آف سپورٹس کے پی کے ضلعی منتظمین سپورٹس ڈیپارٹمنٹ نوجوانوں کو ہر ممکن سہولیات فراہم کر رہے ہیں اور یہ ایونٹس اسی سلسلے کی کڑی ہے،کھیل کسی بھی صحت مند جسم اور صحتمندانہ معاشرے میں انتہائی اہمیت کے حامل ہیں اور کھیلوں کے انعقاد سے صحت مند معاشرہ تشکیل پاتا ہے۔