چیف منسٹر قومی والی بال چمپئن شپ 27 فروری سے شروع ہوگی

اسلام آباد(اُردو پوائنٹ اخبارتازہ ترین - این این آئی۔ 21 فروری2017ء) چیف منسٹر قومی والی بال چمپئن شپ 27 فروری سے قیوم سٹیڈیم ، پشاور شروع ہوگی ، خیبرپختونخوا والی بال ایسوسی ایشن کے سیکرٹری جنرل خالد وقارنے بتایا کہ چمپئن شپ میں ملک بھر سی11 ٹیمیں شرکت کر رہی ہیں، جن میںپاکستان واپڈا، پاکستان آرمی، پی او ایف ، پاکستان ایئرفورس، پنجاب، سندھ، خیبرپختونخوا، بلوچستان، آزاد جموں و کشمیر، فاٹا اور گلگت بلتستان شامل ہیں،چمپئن شپ میں شرکت کرنے والی ٹیموں کی منیجرز میٹنگ 26 فروری کو سہ پہر تین بجے ہوگی جس میں ٹورنامنٹ میں شرکت کرنے والی ٹیموں کے ڈراز کا اعلان کیا جائے گا،ایک سوال کے جواب میں انہوں نے کہا کہ پاکستان والی بال فیڈریشن کے چیئرمین چوہدری یعقوب نے ٹورنامنٹ منعقد کروانے کی منظوری دے دی ہے اور ٹورنامنٹ کی تیاریاں زور و شور پر ہیں،یہ ٹورنامنٹ 3 فروری تک جاری رہے گا-