تعلیم اور ہمارا رویہ

زندگی میں پہلی دفعہ اپنے دوست کے ساتھ مشین پہ جاگنگ کرنے گیا اور محض پانچ منٹ بعد اتر کر بیٹھ گیا اور اوپر والا سانس اوپر اور نیچے والا نیچے مگر میرے دوست نے مسلسل چالیس منٹ تک جاگنگ کی اور پانچ کلو میٹر رننگ کی اس کا جسم پیسنے سے شرابور تھا سانس پھولی ہوئی تھی دل پسلیوں کا پنجرہ توڑ کر باہر آنے کو بے تاب تھا اور ٹانگیں تھکاوٹ سے چور تھیں میں نے تولیے سے اس کا منہ اور گردن صاف کی اور مشین کے میٹر کو دیکھا اور میرے دوست نے سینہ چوڑا کیا اور آنکھوں میں سکندر اعظم سا فاتحانہ غرور ابھرا اور جم میں موجود لوگوں کو دیر تک دیکھتا رہا کے ہے کوئی جو اس کا مقابلہ کر سکے اس کی آنکھوں میں خوشی اور فخر تھا کے وہ سب الگ ہے اس نے میرے کندھے پہ ہاتھ رکھا اور بولا “دیکھا پھر بھائی کا سٹیمنا چالیس منٹ میں پانچ کلو میٹر کیے ہیں
میں اس وقت تک اس سے بے نیاز موبائل کی سکرین پہ انگلیاں چلا رہا تھا اور اُس کی طرف دیکھے بنا میں نے کہا ہو تم وہیں پہ جہاں تم نے شروع کیا تھا اس نے مجھے اس وقت حقیر دنیا کا انسان سمجھا اور کہا میٹر جھوٹ بول رہا ہے میری محنت دیکھو میرا سانس میری ٹانگوں کی حالت کیا یہ سب بکواس ہے میں نے ایک زوردار قہقہ لگایا اور کہا سب آ ٹھیک ہے تم بھاگے ہو محنت کی پسینے میں شرابور ہوئے ہو مگر دیکھو تم مشین سے اترنے کے بعد وہیں کھڑے ہو جہاں سے شروع کیا تھا
یہی ہماری زندگی ہے ہم نے سکول جانا شروع کیا تو ہمارے کئی دوست پرائمری اور کئی ہائی سکول اور بہت سارے کالج میں ہمارا ساتھ چھوڑ جاتے ہیں ہزاروں طالب علموں میں سے ایک کو جامعہ میں اعلی تعلیم حاصل کرنے کا موقع ملتا ہے مگر سوال یہ ہے ہم وہاں کیا حاصل کر رہے ہیں کیا ہماری زندگی اور اس شخص کی زندگی کا موازنہ ممکن ہے جو پرائمری میں ہی ہمارا ساتھ چھوڑ جاتا ہے کیا پانچ منٹ اور چالیس منٹ کی محنت برابر ہو سکتی ہے جب یہ سب برابر نہیں تو رویہ کس لئے برابر ہے مزاج کس لئے برابر ہے سوچ زبان کلام کیسے برابر ہو سکتے ہیں کہتے ہیں درخت پہ جنتا پھل لگتا ہے وہ جھک جاتا ہے مگر یہاں کیا کسی کے پاس ڈگری آجائے یا اچھی نوکری مل جائے تو اس کی گردن اکڑ جاتی ہے لہجہ کرخت ہو جاتا ہے وہ دوسروں کو حقیر اور کیڑے مکوڑے سمجنا شروع کر دیتا ہے گو ہمارا نظام بوسیدہ ہے مگر اس بوسیدہ نظام کو ہم نے ہی ٹھیک کرنا ہے اپنے رویوں میں شائستگی ہم ہی لے کر آئیں گے صاحبو! اپنی پندرہ سولہ سالہ تعلیمی زندگی کا جائزہ لیں اور سوچیں کیا ہماری زبان سے کسی کا دل تو نہیں دکھ رہا کیا کسی کی نادانستہ غلطی پہ ہم بلاجواز اسے زد و کوب کر رہے ہیں دوسروں کی غلطیوں کو معاف کرنا سیکھیں کیونکہ غلطی انسان کی جبلت میں شامل ہے لوگوں کے لئے آسانیاں پیدا کریں یہی زندگی ہے اور زندگی اسی کا نام ہے خوش رہیں اور دوسروں کو خوش رکھیں۔