کیا سرمایہ داری اچھا معاشی نظام ہے

جس دن سے یہ کائنات معرض وجود میں آئی ہے اس میں ایک ہزار خامیاں ہیں جن کی بیخ کنی کے لئے دنیا بھر کے اکابرین سر توڑ کوشش کرتے رہتے ہیں انہی میں سے ایک مسئلہ غربت ہے جو اس وقت پوری دنیا کا اجتماعی مسئلہ بن چکا ہے یورپ امریکہ اور مڈل ایسٹ کے مالدار ممالک اور معاشی ماہرین غربت کے خاتمے کے لئے پسماندہ ممالک کی مالی امداد سمیت بے شمار اقدامات کرتے ہیں مگر غربت میں کمی آنے کے بجائے دن بدن اس میں اضافہ ہو رہا ہے کرپشن اور منی لانڈرنگ بھی اس وقت دنیا ہے بڑے مسائل ہیں جن کے خاتمے کے لئے بھی بے شمار جتن کیے جا رہے ہیں
لیکن یہ مسائل کم ہونے کے بجائے بگڑتے جارہے ہیں جو وائٹ کالر کرائم کی شکل اختیار کر چکے ہیں بدعنوانی ہمارے معاشرے کی سب سے بڑی بیماری ہے جو اس وقت وبا کی شکل اختیار کر چکی ہے جس کے خاتمے کے لئے قوانین تو موجود ہیں مگر انصاف نہ ہونے کی وجہ سے یہ بیماری لاعلاج ہو چکی ہے ان سب بیماریوں کی وجہ سرمایہ دردانہ نظام ہے
 سرمایہ داری ایک معاشرتی نظام ہے جو کبھی نظریہ ہوا کرتا تھا جو 16-17 صدی کے درمیان یورپسے ابھرا جس کے بعد دنیا بھر میں بے شمار مزاحمتی تحریکوں نے جنم لیا 2015 میں برطانیہ جیسے ملک میں سرمایہ درانہ نظام کے خلاف “ملین ماسک مارچ “ کا انعقاد کیا گیا اس  سے قبل امریکہ میں وال اسٹریٹ نے بھی منظم انداز میں اس کے خلاف احتجاج کیا
سرمایہ دارانہ نظام کے خلاف دنیا بھر میں بیشمار تحریکیں چلیں مگر مناسب منصوبہ بندی نہ ہونے کی وجہ سے یہ تحریکیں ناکام ہوئیں
کیونکہ سرمایہ دارانہ نظام ایسا نظام ہے میں امیر امیر سے امیر تر اور غریب غریب سے غریب تر ہوتا جارہا ہے یہ ایک غیر انسانی اور استحصالی نظام ہے جس کے خلاف کارل مارکس نے ایک منصفانہ نظام پیش کیا جس کو اپنا کر روس محض چند عشروں میں دنیا کی سپر پاور بن گیا اور چائنہ اسی نظام پہ چلتے ہوئے ایک مضبوط معاشی اور دفاعی قوت بن کر ابھر رہا ہے
پاکستان سمیت دنیا بھر کے ساڑھے سات ارب انسان اس نظام تلے دبے ہوئے ہیں اگر کوئی مضبوط نظم و ضبط والی تحریک سرمایہ دارانہ نظام کے چلتی ہے تو پوری دنیا اس کے ساتھ نہ صرف کھڑی ہو گی بلکہ بھرپور حصہ لے گی کیونکہ سرمایہ دارانہ نظام کا شکار محض کوئی ایک خطہ ایک ملک ایک قوم ایک مذہب یا ایک فرقہ نہیں بلکہ اس سفاک نظام نے بلا تفریق تمام انسانوں کو روند دیا ہے اس وقت دنیا کی 67% آبادی غربت کی زندگی گزار رہی ہے
اگر اس وقت سرمایہ دارانہ نظام کو دیکھا جائے تو کرونا وبا کے دوران جب ایک طرف غریبوں کا جینا محال تھا تو دوسری طرف دنیا میں ہر 17 گھنٹے میں ایک ارب پتی کا اضافہ ہوا ہے
سوال یہ ہے دنیا بھر کی سیاسی پارٹیاں کمیونیسٹ ہونے کا لیبل لگائے بیٹھی ہیں مگر کبھی انہوں نے اس خونی نظام کے خلاف کوئی موثر تحریک نہیں چلائی کیونکہ ان پارٹیوں کو سرمایہ دارانہ نظام کنٹرول کرتا ہے امیر طبقے کا جہاں سرمایہ پہ کنٹرول ہے وہیں سیاست بھی انہی کی غلام ہوتی ہے انہی کے ساتھ بائیں بازو کی سیاسی پارٹیاں بھی ہوتی ہیں جو سرمایہ دارانہ نظام کی مخالفت کرتی ہیں مگر صرف لیبل کی حد تک کیونکہ سرمایہ داری ایک نظام نہیں بلکہ نظریہ ہے
نظریات سے لڑائی کسی شخص تک محدود نہیں ہوتی بلکہ اقوام کے حقوق کی ہوتی ہے اگر ان پارٹئوں نے زندہ رہنا ہے تو وال اسٹریٹ اور ملین ماسک مارچ جیسی تحریکوں کو جنم لینا ہو گا غریبوں کو بھی باہر نکلنا ہو گا ورنہ چند سو افراد اسی طرح پوری دنیا کا خون چوستے رہیں گے اور یہ گلا سڑا نظام اسی طرح قائم رہے گا۔