اسلام میں عورت کا مقام

اگر ہم عورت کے مقام کے بارے میں بات کریں تو اللہ پاک کی نعمتوں میں سے ایک بہت بڑی نعمت ہے عورت کی تخلیق مٹی سے نہیں ہوئی بلکہ مرد کی بائیں پسلی سے عورت کو تخلیق کیا گیا تھا عورت روح کی راحت ہے اور ذہن کا اطمینان ہے یہاں تک کہ عورت کو دنیا کے خوبصورت چہرے کی ایک آنکھ قرار دیا گیا تو آپ خود سوچ لیں اگر یہ ایک آنکھ نہ ہوتی تو دنیا کی صورت کانی ہوتی دنیا میں کوئی خوبصورتی نہ ہوتی اس لیے دنیا کی بہترین متاع ایک عورت ہے اگر ہم تاریخ اسلام کے لحاظ سے عورت کے مقام کے بارے میں بات کریں تو ہمیں یہ جان کر بہت افسوس ہو گا کہ اس وقت عورت کو کیا مرتبہ حاصل تھا اسلام سے پہلے عورت کو مال مویشی کی طرح سمجھا جاتا تھا عورت کو ظلم و ستم کا نشانہ بنایا جاتا تھا اگرچہ عورت کو بھی مرد کی طرح ذی شعور عطا کیا گیا تھا مگر پھر بھی عورت کے ساتھ جانوروں سے بھی بدتر سلوک کیا جاتا تھا عورت کی کوئی زندگی نہ تھی اہل عرب زمانہ جاہلیت میں اگر بیٹی کی پیدائش ہوتی تو خوشی کے بجائے افسوس کیا جاتا تھا بیٹیوں کو زندہ درگور دفن کردیا جاتا تھا اس کی وجوہات یہ تھی کہ ان کی پرورش ان کی دیکھ بھال اور ان کی کفالت کو بھی بوجھ سمجھا جاتا تھا اور اگر کوئی اپنی بیٹی کو قتل نہ کرتا تو اسے ایک وحشی درندے کے ہاتھ فروخت کر دیتا تھا اس عورت کو کوئی باعزت مقام نہیں دیا جاتا تھا مردوں کی نفسیاتی خواہش کو پورا کرنے کا ذریعہ تھی ان کے ساتھ غلاموں جیسا برتاؤ کیا جاتا تھا عورت کا استعمال جائیداد کی طرح ہوتا تھا صرف اہل عرب نہیں بلکہ اگر ہم ہندوستان اور یورپ کی بات کریں تو وہاں بھی عو رت کی کوئی قدر نہیں تھی عورتوں کو مرد اپنے پاؤں کی جوتی سمجھتے تھے یہاں تک کہ اگر مرد عورت کو طلاق دیتا تو عدت کے قریب پھر رجوع کرلیتا پھر طلاق دیتا اور پھر رجوع کر لیتا یہ سلسلہ ختم نہیں کیا جاتا تھا نہ عورت کی کوئی آزادی تھی اور نہ اس کو زوجیت کی حیثیت حاصل تھی یہودیوں کی رائے بھی عورت کے بارے میں کچھ اس طرح تھی کہ عورت ایک انسان نہیں بلکہ انسان نما حیوان ہے یہاں تک کہ اگر شوہر مر جاتا تو شور کے ساتھ عورت کو بھی زندہ جلا دیا جاتا تھا عورت کی فریاد کوئی سننے والا نہیں تھا کوئی ان کی مظلومیت کے آنسو پوچھنے والا نہیں تھا وہ روتی بلبلاتی تھی مگر کوئی زخم پر مرہم لگانے والا نہیں تھا یہاں تک کہ عورت پوری دنیا کے ظلم و ستم کا شکار تھی عورت کا ہر دن موت سے کم نہ تھا ان ظلموں کے داستانوں کو سن کر سینے میں رنج و غم سے دل ٹکڑے ہو جاتا ہے لیکن ایک دن سورج کی ایک ایسی کرن نمودار ہوئی جس نے تمام ظلم کے پہاڑوں کو توڑ کر مٹی میں خاک کر دیا اور وہ سورج کی کرن دین اسلام تھا جب اللہ کی رحمت کا آفتاب طلوع ہو گیا تو پوری دنیا نے اس کر ن کو محسوس کیا اس کرن نے جہالت کی تاریکی کا خاتمہ کرکے ہر طرف اجالا کر دیا تمام عورتوں کی قسمت کا ستارہ چمک اٹھا عورت کو کانٹے کے بستر سے پھول کے بستر پر بٹھا دیا اسلام نے عورت کو وہ مقام عطا کرے جو کوئی اور مذہب نہ دے سکا حضور صلی اللہ علیہ وسلم نے ارشاد فرمایا،( بیٹیاں تو نیکیاں ہوتی ہیں) جب وہ حضرت فاطمہ زہرہ کی پیدائش ہوئی تھی تو آپ صلی اللہ علیہ وسلم کو بہت زیادہ خوشی ہوئی تھی اور آپ نے فرمایا، فاطمہ میری آنکھوں کی ٹھنڈک ہے فاطمہ میرا نور ہے بیٹی کی حیثیت کے علاوہ عورت کو بہن کی حیثیت سے عزت بنا دیا بیوی کی حیثیت سے زوجیت کا مقام حاصل ہوگیا اور سب سے بڑھ کر عورت کو ماں کا درجہ دیا گیا یہاں تک کہ ماں کے قدموں تلے جنت رکھ دی اسلام نے عورت کو اس مقام پر بلند کیا کہ اگر عورت اپنی ساری زندگی شکر ادا کرتی رہے تو اس عظیم الشان احسان کی شکر گزاری کے فرض سے سبکدوش نہیں ہو سکتی اللہ تعالی نے قرآن مجید میں شاد فرمایا،( اچھے سلوک کے ساتھ عورت کے ساتھ زندگی گزارو)۔