کھیلوں کے فروغ سے نوجوان نسل کو صحت مند سرگرمیوں کی جانب راغب کر کے توانا ،صحتمند اور باوقار معاشرہ کا قیام عمل میں لا سکتے ہیں‘ چوہدری نعیم

میرپور(اُردو پوائنٹ اخبار تازہ ترین۔آئی این پی۔2جون۔2013ء) مرکزی صدر انجمن تاجران(رجسٹرڈ) چوہدری محمد نعیم نے کہا ہے کہ روایتی ،مقامی ،قومی اور بین الاقوامی کھیلوں کے فروغ کے ذریعہ نوجوان نسل کو صحت مند سرگرمیوں کی جانب راغب کر کے ہم ایک توانا ،صحتمند اور باوقار معاشرہ کا قیام عمل میں لا سکتے ہیں۔میرپور کے نوجوانوں میں کھیلوں کا بڑھتاہوا رجحان اس بات کا غماز ہے کہ ہماری آنے والی نسلیں تعلیم کے ساتھ ساتھ مختلف کھیلوں میں حصہ لے کر اپنا اور ملک و قوم کا نام روشن کریں گی۔

ان خیالات کا اظہار اْنہوں نے پہلا آزاد کشمیر شہدان کشمیر فلڈ لائٹ والی بال ٹورنامنٹ (وادی ترپہ)کے زیر اہتمام منعقدہ تقریب سے بحثیت مہمان خصوصی خطاب کرتے ہوئے کہا دیگر مہمانان گرامی میں چوہدری واصف امین ،چوہدری اصغر علی ،چوہدری فیصل لعل ،وسیم لیاقت جبکہ چوہدری ارشد اور سکو رر قاری گلزار بھی شامل تھے۔

(جاری ہے)

ٹورنامنٹ چیف آرگنائزرز میں ڈاکڑ اوررنگزیب چوہدری بنارس ٹورنامنٹ کمیٹی شکیل ،اہتشام، بابر ،یاسربلا،راجہ عدنان ،اعجازالحق ،بشارت ،چوہدری وقاص ،چوہدری معروف اور قیصر اْف ترپہ کے علاوہ تماشایوں میں خان قیوم خان ،آفتاب،بشارت ،چوہدری سکندر علی،یاسر ،فیصل علی ،غلام عباس،چوہدری جاویدآف پوٹھی،چوہدری شہباز ،ظفر بنگش ،ناصر بٹ ،شکوربٹ ،چوہدری اعجاز ،شکیل،چوہدری خادم ،چوہدری نعیم ویلی ریسٹورنٹ افضل ،مشتاق اور طلعت سمیت دیگر بھی شامل تھے۔

فائنل میچ ندیم بٹ والی بال کلب بمقابلہ چوہدری معظم والی بال کلب کے درمیان بھرپور انداز میں کھیلاگیا۔تماشایوں نے کھیل میں بہترین کارکردگی اور بھر پور میچ پیش کرنے پر کھلاڑیوں کودل کھول کر داد دی ۔فائنل میچ ندیم بٹ والی بال کلب نے زبردست مقابلہ کے بعد 2-1سے جیت لیا ۔مرکزی صدر انجمن تاجران چوہدری محمد نعیم نے کہا کہ کھلاڑیوں کی کھیلوں میں بڑھتی ہوئی دلچسپی حوصلہ افزا ہے ۔اْنہوں نے کہا کہ صحتمند قوم کی تعمیر ہارجیت کو خندہ پشانی سے قبول کرنا اور آگے بڑھنے کے لئے اپنی صلاحیتوں کو بروئے کار لانے کی تعمیر ی سوچ ہی ہمیں غربت ،پسماندگی ،حمایت اور عدم برداشت کے ماحول سے نکا ل سکتی ہے۔