مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا

منگل 5 مارچ 2024 14:39

مظفرآباد(اُردو پوائنٹ اخبارتازہ ترین - این این آئی۔ 05 مارچ2024ء) ترجمان آزادجموں وکشمیر اینٹی کرپشن اسٹیبلشمنٹ کی جانب سے جاری کردہ پریس ریلیز کے مطابق میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو خصوصی عدالت اینٹی کرپشن سے پانچ سال قید اور ایک لاکھ روپے کی سزا۔منیر احمد قریشی پرا جیکٹ آفیسر ادارہ ترقیات مظفر آباد کی جانب سے شکایت بخلاف محمد بشیر اعوان ڈپٹی ڈائریکٹر ادارہ ترقیات مظفر آباد محکمہ اینٹی کرپشن میں موصول ہوئی کہ اس نے اپنی میٹرک کی سند میںٹمپرنگ کے کر اصل تاریخ پیدائش 1950-01-10 تبدیل کر کے مدت ملازمت میں اضافہ سند میں کر کے مدت ملازمت کرنے کی خاطر اپنی عمر 6 سال کم کرتے ہوئے 1956-01-10 کر دی۔

مذکور نے سال 1969 میں بورڈآف انٹرمیڈیٹ ، اینڈ سکینڈری ایجو کیشن لاہور سے میٹرک کا امتحان پاس کیا تھا۔

(جاری ہے)

دوران تحقیقات ملزم کی سند کی تصدیق لاہور بورڈ سے حاصل کی گئی۔ موصولہ تصدیق کے مطابق ملزم محمد بشیر ولد عبد اللہ رول نمبر 7072 کے تحت سالانہ امتحان 1969 میں شامل ہوا تھا۔ جس میں پاس ہونے پر ملزم کو میٹرک کی جو سند جاری ہوئی تھی اس میں تاریخ پیدائش 1950-01-10 درج تھی مگر بعد میں ملزم نے جعلسازی کرتے ہوئے میٹرک کی سند میں اپنی تاریخ پیدائش 1956-01-10 کر دی اور 6 سال عمر کم کر لی تاکہ 6 سال مدت ملازمت میں اضافہ ہو جائے۔

اس بابت شکایت پیش ہونے محکمہ اینٹی کرپشن نے تحقیقات کر کے ملزم کے خلاف تھا نہ پولیس اینٹی کر پشن مقدمہ علت 6/2015بجرائمAPC 467/468,471/420 و 5 ضمن (2) PCA درج رجسٹر ہو کر جرم ثابت ہونے پر خصوصی عدالت ڈسٹرکٹ اینڈ سیشن جج اینٹی کرپشن مظفر آباد چالان دائر کیا گیا جس میں 04-03-2024کو خصوصی عدالت اینٹی کرپشن مظفر آباد نے پانچ سال قید اور ایک لاکھ روپے جرمانہ کی سزا سنا دی ہے۔