مطلوب انقلابی پر مختلف سمت سے الزام تراشیاں دراصل حلقہ کے متوسط طبقہ کے خلاف سازشیں ہیں ‘چوہدری خوشید عالم

کھوئی رٹہ (اُردو پوائنٹ تازہ ترین اخبار۔ 14مارچ 2014ء) پی پی پی حلقہ کھوئی رٹہ کے رہنماؤں چوہدری خورشید عالم ، چوہدری شوکت ، افراسیاب چوہدری نے کہا کہ وزیر تعلیم و کالجز محمد مطلوب انقلابی کے خلاف سازشیں کرنے والے لوگ عوامی نمائندے نہیں ذاتی مفادات کے پیروکار ہیں مطلوب انقلابی پر مختلف سمت کی طرف سے الزام تراشیاں دراصل حلقہ کے متوسط طبقہ کے خلاف سازشیں ہیں سازشی عناصر کے چہروں سے عوام نجوبی واقف ہیں حلقہ کی تعمیر وترقی اور پسماندگی کو دور ہوتے دیکھ کر چند عاقبت اندیش بوکھلاہٹ کا شکار ہو چکے ہیں اور کچھ ذہنی مریض بھی سیاست کے اندر برداشت ہی بڑی کامیابی ہے ہمارے سیاسی مخالفین برداشت کا مادہ ہی نہیں رکھتے جنہیں حلقہ کے اندر تعمیر و ترقی اور کام کاج نظر نہیں آتے ان کا کوئی بھی علاج نہیں ان خیالات کا اظہار پی پی پی حلقہ کھوئی رٹہ کے رہنماؤں چوہدری خورشید عالم ، چوہدری شوکت ، افراسیاب چوہدری نے آزاد پریس کلب کھوئی رٹہ میں صحافیوں سے بات چیت کرتے ہوئے کیا رہنماؤں نے کہا کہ آئندہ الیکشن میں کارکردگی کی بنیاد پر جائیں گے کسی سے سرٹیفیکیٹ لینے کی ضرورت نہیں عوام کے سامنے جوابدہ ہیں اور عوام کا ہی اعتماد چاہتے ہیں مطلوب انقلابی کے خلاف بیان بازی کرنے والوں کو 2011 کی طرح آئندہ الیکشن میں جواب دیں گے کارکن افوہ ساز فیکٹریوں پر کان دھرنے کی بجائے پارٹی کے لیے کام کریں آئندہ الیکشن میں فتح غریب عوام کی ہو گی الیکشن عوام کی خدمت کے نتیجے میں جیتے جاتے ہیں رات کو خواب دیکھنے سے نہیں مطلوب انقلابی کے خلاف سازشیں کرنے والوں کو منہ کے بل گرنا پڑے گا ۔