یوم فاطمةالزہراء وشہدائے زلزلہ2005ء کی برسی( آج) تین رمضان المبارک کو منائی جائے گی
منگل 1 جولائی 2014 17:26
مظفرآباد(اردو پوائنٹ تازہ ترین اخبار۔ 1جولائی 2014) یوم فاطمةالزہراء وشہدائے زلزلہ2005ء کی برسی آج تین رمضان المبارک کو منائی جائے گی۔اس سلسلہ میں مختلف مقامات پراجتماعی و انفرادی تقریبات،قرآن خوانی،محافل نعت،افطارلنگرکااہتمام کیاجائے گا،سب سے بڑی تقریب حسب سابق مرکزی سیرت کمیٹی کے زیراہتمام دارالحکومت مظفرآبادمیں منعقدہوگی۔تفصیلات کے مطابق خاتونِ جنت ،سیدہ کائنات،جگرگوشہ ءِ رسول حضرت بی بی فاطمہ رضی اللہ تعالیٰ عنہا کایوم وصال اورشہدائے زلزلہ 2005ء کی برسی بعنوان”یوم دعا“ آج تین رمضان المبارک کو منائی جارہی ہے۔
ملک بھرسمیت ریاست جموں وکشمیرمیں خاتونِ جنت رضی اللہ تعالیٰ عنہاکو خراج عقیدت پیش کرنے کے لئے مختلف تقریبات منعقدکی جائیں گی۔(جاری ہے)
مرکزی سیرت کمیٹی مظفرآبادکے ہنگامی اجلاس میں کئے گئے فیصلوں کے تحت مرکزی سیرت کمیٹی کے زیراہتمام حسب سابق سب سے بڑی تقریب منعقدہوگی،جس کا اہتمام امسال مسجددربارشاہ عنایت میں کیاجائے گا۔تحت پروگرام بعدازنمازظہرقرآن خوانی شرع ہوگی جبکہ متصل بعدازنمازعصرمحفل نعت ومناقب کے بعدحضرت بی بی فاطمہ رضی اللہ تعالیٰ عنہا‘ کو خراج عقیدت پیش کرنے کے ساتھ شہدائے زلزلہ کی یادوں کاتذکرہ بھی کیاجائے گا۔
مرکزی سیرت کمیٹی کا غیرمعمولی اجلاس سینئرنائب صدر مشتاق احمدجوش کی صدارت میں المصطفیٰ کمپلیکس سنٹرل پلیٹ میں منعقدہوا۔اجلاس میں سیکرٹری جنرل عتیق احمدرضا،علامہ محمدپرویزقریشی،قاری ضیاء المصطفیٰ منور،الحاج محمدسلیمان زرگر،اظہرحسین اعوان،قاضی وحید احمد،محمدسفیررضا،سہیل احمد،واجدشاکر،راجہ ذاکرخان،سیدندیم حسین بخاری،سیدنویدحسین شاہ،صغیراحمدرضاودیگرنے شرکت کی۔اجلاس میں مرکزی سیرت کمیٹی کے دیگرامورکابھی جائزہ لیاگیااجلاس سے خطاب کرتے ہوئے صدرمجلس مشتاق احمدجوش نے کہاکہ مرکزی سیرت کمیٹی دین ِحنیف کے احیاء اورخطے میں امن وخوت کے لئے ذمہ دارانہ کرداراداکررہی ہے۔اس ضمن میں ایام بزرگان دین منانے کی جو مثبت روایت صدیوں سے قائم ہے ،مرکزی سیرت کمیٹی کے موجودہ ذمہ داران اس کے امین ہیں اور انشاء اللہ یہ سلسلہ اسی آب وتاب سے جاری رہے گا۔ا نہوں نے حضرت فاطمةالزہراء رضی اللہ عنہاکی بارگاہ میں ہدیہ عقیدت پیش کرتے ہوئے کہاکہ جگرگوشہ ءِ رسول، حضرت فاطمةالزہرا رضی اللہ تعالیٰ عنہا وہ عظیم ہستی ہیں کہ ان سے اللہ کے فرشتے بھی حیاء کرتے ہیں،بروزحشرجب آپ کی سواری آئے گی تو اللہ رب العالمین کے حکم سے پوری کائنات کے ذی روح اپنا سر جھکادیں گے۔انہوں نے کہاکہ حضرت بی بی فاطمہ رضی اللہ تعالیٰ عنہاکے مناقب خود محبوبِ رب کریم صلی اللہ علیہ وآلہ وسلم نے ارشادفرمائے ہیں۔آپ صلی اللہ علیہ وآلہ وسلم کو اپنی لخت جگرسے اور بی بی پاک کو آپﷺ سے بے پناہ محبت تھی۔آپ کا عقد حضرت مولیٰ علی شیرخداحیدرکراررضی اللہ تعالیٰ عنہ سے ہوااور آپ کے پارہ ہاء جگر حسنین کریمین جنت کے نوجونوں کے سردارہیں۔حضرت بی بی فاطمہکی حیات مبارکہ آپ کاشرم وحیاکل کائنات کی خواتین کے لئے مشعل راہ اور دنیاوآخرت میں کامیابی کا زریعہ ہے۔انہوں نے شہدائے زلزلہ تین رمضان المبارک بمطابق 8اکتوبر2005ء کو خراج عقیدت پیش کرتے ہوئے کہاکہ ان شہداء کی یادیں کبھی بھی بھلائی نہیں جاسکتی ہیں۔انہوں نے کہاکہ زلزلہ میں اپنی جانیں قربان کرنے والے معصوم بچوں ماؤں بہنوں اور بیٹوں کی ناگہانی اموات کے ذمہ داران کامحاسبہ نہ ہونااور ستم بالائے ستم زلزلہ متاثرہ خطے میں وسائل ملنے کے باوجودتعمیرنونہ ہوناایک اور بڑاالمیہ اور ذمہ دارارباب اختیارکے لئے لمحہ ءِ فکریہ ہے۔انہوں نے کہاکہ مرکزی سیرت کمیٹی سمجھتی ہے کہ شہدائے زلزلہ کوخراج عقیدت پیش کرنے،ان کے بلندی درجات کے لئے تین رمضان المبارک کو تقریبات کااہتمام اس ماہ مبارک کی حرمت کے لحاظ سے بھی ذیادہ باعث برکت ہے اور لوگ گھروں،مساجدوقبرستانوں میں انفرادی واجتماعی طورپراسی روز اپنے پیاروں کو یادکرتے ہیں اور ان کے بلندی درجات کے لئے قرآن خوانی ومحافل میلاد شریف کاانعقادکرتے ہیں،گوکہ عمومی طورپر سرکاری تقریبات آٹھ اکتوبرکومنائی جاتی ہیں۔انہوں نے کہاکہ ساراسال کسی بھی لمحے اپنے مرحومین کے ایصال ثواب کی محافل منعقدکرنانیک شگون ہے،یہ سلسلہ تاقیامت جاری رہے گا۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.