مسلم کانفرنس برطانیہ میں ہونے والے مجوزہ ملین مارچ کو کامیاب بنانے کے لئے بھرپوراقدامات کرے گی،چوہدری جمیل تبسم
ہفتہ 4 اکتوبر 2014 17:28
راولپنڈی(اُردو پوائنٹ اخبار تازہ ترین۔4 اکتوبر۔2014ء) مسلم کانفرنس کے مرکزی نائب صدر اور برطانیہ میں مقیم معروف کشمیری رہنما ء چوہدری جمیل تبسم نے کہا ہے کہ مسلم کانفرنس برطانیہ میں ہونے والے مجوزہ ملین مارچ کو کامیاب بنانے کے لئے بھرپوراقدامات کرے گی۔ ہندوستان کو اس کے وعدے یاد کرانے عالمی برادری کو ہندوستان کے مکروہ عزائم سے آگاہ کرنے، حالیہ سیلاب کے دوران ہندوستانی حکمرانوں کی طرف سے روا رکھی جانے والی ناانصافیوں، بے حسی، غفلت اور مجرمانہ کردار کا پردہ چاک کرنے کے سلسلے میں ملین مارچ ایک مثبت اقدام ہے۔
تقسیم ہند کے وقت برطانیہ کے کردار کو بے نقاب کرنے اور عالمی برادری کو اس کی ذمہ داریوں سے آگاہ کرنے کے لئے برطانیہ میں مسلم کانفرنس سرگرم کردارادا کر رہی ہے۔(جاری ہے)
وزیر اعظم پاکستان میاں نواز شریف نے اقوام متحدہ کی جنرل اسمبلی میں پیش کر کے حکومت پاکستان کا موقف واضح کر دیا ہے۔ ان خیالات کا اظہار مسلم کانفرنس کے مرکزی نائب صدر اور برطانیہ میں مقیم معروف کشمیری رہنما ء چوہدری جمیل تبسم نے صدر جماعت سردار عتیق احمد خان سے ملاقات کے بعد برطانیہ روانگی سے قبل یہاں مسلم کانفرنس کے میڈیا سیل میں صحافیوں سے گفتگو کرتے ہوئے کیا۔
اس موقع پر مسلم کانفرنس سنٹرل سیکرٹریٹ کے انچارج رانا غلام حسین اور چوہدری اعظم بھی موجود تھے ۔ چوہدری جمیل تبسم نے کہا کہ اقوام متحدہ کی قراردادوں کے مطابق مسئلہ کشمیر کو منطقی انجام تک پہنچانے ، غلام کشمیریوں کی آزادی اور برصغیر میں پائیدار امن کے قیام کے لئے کشمیر یوں کو متحد ہونے پڑے گا۔ انھوں نے کہا کہ مسلم کانفرنس کے صدر سردارعتیق احمدخان کی ہدایت پر برطانیہ روانہ ہو رہا ہوں۔ برطانیہ کی تمام جماعتی تنظیمیں نہ صرف ملین مارچ میں شرکت کریں گی بلکہ اس کو کامیاب کرنے کے لئے کلیدی رول بھی ادا کریں گی۔ سردار عتیق احمد خان چاہتے ہیں کہ برطانیہ کو یہ باور کرایا جائے کہ یہ مسئلہ اسی کا پید ا کردہ ہے اور وہ اخلاقی جرات کا مظاہرہ کرتے ہوئے ہندوستان پر دباؤ ڈالے ۔ انھوں نے کہا کہ صدر جماعت خود بھی مجوزہ مارچ میں شرکت کا ارادہ رکھتے ہیں اور وہ چاہتے ہیں کہ ملین مارچ میں مسلم کانفرنس کا کردار نمایا ں رہے۔ انھوں نے کہا کہ تنازعہ کشمیر کے حل کے لئے مسئلہ کشمیر کو برطانیہ کے ہاؤس آف کامنز اور ہاؤس آف لارڈز میں اٹھانے کے سلسلے میں مسلم کانفرنس نے ماضی میں بھرپور کردار ادا کیا اور آئندہ بھی کسی موقع کو ضائع نہیں ہونے دیں گے۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.