لندن ملین مارچ کے تسلسل کو قائم رکھا جائے گا، اس قسم کے مارچ کرکے کشمیری عوام کے ساتھ یکجہتی کا اظہار کیا جائے گا
جمعرات 20 نومبر 2014 17:50
اسلام آباد(اُردو پوائنٹ تاز ترین اخبار۔ 20نومبر 2014ء)آزاد کشمیر کے سابق وزیر اعظم و پاکستان پیپلز پارٹی آزاد کشمیر کے مرکزی رہنماء بیرسٹر سلطان محمود چوہدری اور امیر جماعت اسلامی عبدالرشید ترابی نے کہا ہے کہ لندن ملین مارچ کے تسلسل کو قائم رکھا جائے گا اور اس قسم کے مارچ کرکے کشمیری عوام کے ساتھ یکجہتی کا اظہار کیا جائے گا اور بھارت کے مقبوضہ پر غاصبانہ اور جابرانہ قبضے کی مزمت کی جائے گی اور 25 نومبر سے مقبوضہ کشمیر میں ہونے والے فراڈ اور نام نہاد الیکشن کا ڈھونگ رچانے پر تمام کشمیری بھارت کے خلاف مظاہرے کرکے یہ ثابت کریں کہ کشمیری قوم متحد ہے اور جاگ اٹھی ہے۔ب ۔ اس بات کا اعلان دونوں رہنماؤں نے یہاں اسلام آباد میں بیرسٹرسلطان محمود چوہدری کی رہائشگاہ پر ایک تفصیلی ملاقات میں کیا۔
(جاری ہے)
دونوں رہنماؤں نے لندن ملین مارچ کی کامیابی پر اطمینان کا اظہار کیا اور کہا کہ یہ پہلا موقع ہے کہ اسمیں آزاد کشمیر کی تمام سیاسی جماعتیں اکٹھی ہوئیں اور برطانیہ کی تاریخ میں کشمیریوں اور پاکستانیوں کا یہ سب سے بڑا تاریخی اجتماع اکٹھا رکے یہ ثابت کردیا کہ مقبوضہ کشمیرکے عوام اپنی جدوجہد میں تنہا نہیں بلکہ تمام کشمیری انکے ساتھ ہیں۔
اب جبکہ بھارت کا وزیر اعظم نریندر مودی مقبوضہ کشمیر میں انتخابات کا ڈھونگ رچا کر ایک ایسی حکومت وہاں قائم کرنا چاہتا ہے جو کہ آرٹیکل 371 ختم کرکے مقبوضہ کشمیر کی خصوصی حیثیت کو ختم کردے۔تاہم ان انتخابات کو مقبوضہ کشمیر کے عوام پہلے ہی مسترد کرچکے ہیں کیونکہ یہ انتخابات کسی بھی طور حق خود ارادیت کا متبادل نہیں ہو سکتے اور مقبوضہ کشمیر میں بھارت کی آٹھ لاکھ فوج موجود ہے اور ملٹری کنٹونمنٹ میں کونسے انتخابات ہو سکتے ہیں۔بیرسٹر سلطان محمود چوہدری اور عبدالرشید ترابی نے عالمی برادری سے اپیل کی کہ مقبوضہ کشمیر میں انسانی حقوق کی پامالی رکوائی جائے اور کشمیری عوام کو انکا حق خود اردیت دیا جائے۔ مقبوضہ کشمیر میں کشمیریوں نے بندوق نیچے رکھ کر بھارتی گولیوں کا جواب صرف نعروں اور پتھروں سے دیا ہے لیکن اگر بھارتی فوج کی بربریت جاری رہی تو مقبوضہ کشمیر کا مایوس نوجوان متبادل راستہ اختیار کرسکتا ہے لہذا عالمی برادری مسئلہ کشمیر کے حل کے لئے اقدامات کرے۔یاد رہے کہ بیرسٹرسلطان محمود چوہدری اور عبدالرشید ترابی نے ملین مارچ لندن کی کامیابی کے لئے مشترکہ جدوجہد کی تھی۔#/s#مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.