اولیاء کے آستانے رشدو ہدایت کے سرچشمے اور روشنی کے مینار ہیں‘محمد بشیر مصطفی

میرپور(اُردو پوائنٹ تازہ ترین اخبار۔ 12 دسمبر 2014ء) اولیاء کے آستانے رشدو ہدایت کے سرچشمے اور روشنی کے مینار ہیں دنیا اگر اپنا کھویا ہوا مقام دوبارہ حاصل کرنا چاہتی ہے تو اپنی جبینوں کو دہلیز مصطفی پر جھکا دے ہر ذی روح نے موت کا ذائقہ چکھنا ہے خوش قسمت ہیں وہ لوگ جو اپنے والدین کے ایصال ثواب کے لیے محفل میلاد کا انعقاد کرتے ہیں حضور کی سیرت وکردار پر عمل کر کے ہی ہم اپنا کھویا ہوا مقام حاصل کر سکتے ہیں اسلام کی تاریخ گواہ ہے اسلام کی تاریخ گواہ ہے اسلام کبھی بھی تلوار کے زور پر نہیں بلکہ اولیاء اللہ کے کردار کی بدولت پھیلا ان خیالات کا اظہار ممتاز عالم دین محمد بشیر مصطفی نے سینئر صحافی ساجدمحمود چوہدری کے والد محترم چوہدری طالب حسین مرحوم کے ختم چہلم کے موقع پر منعقد عظیم الشان میلاد مصطفی سے خطاب کرتے ہوئے کیا ۔

(جاری ہے)

تقریب کا آغاز تلاوت کلام پاک سے ہوا تلاوت کی سعادت قاری محمد سلطان نے حاصل کی ۔ ہدیہ عقیدت بحضور محمد نسیم رضا، احمدنعمان فاروقی ، عبدالعزیز ، قاری تجمل حسین پیش کی عارفانہ کلام چوہدری کرامت کھڑی نے پیش کیا اس خوبصورت محفل میں نقابت کے فرائض محمد اسحق چوہان نے ادا کیے انہوں نے کہا کہ چوہدری طالب حسین مرحوم خداداد صلاحیتوں کے حامل نیک سیرت اور ہمدرد انسان تھے چوہدری نذر حسین مرحوم نے اپنی ساری زندگی انسانیت کی بقاء فلاح و بہبود کیلئے گزاری ان دونوں افرد کی وفات اہلیان علاقہ کیلئے ناقابل تلافی نقصان ہے ۔

اللہ تعالیٰ مرحومین کو کروٹ کروٹ جنت نصیب فرمائے اور پسماندگان کو صبر جمیل کی توفیق عطا فرمائے ۔ محفل کے شرکاء سے خطاب کرتے ہوئے قاری زاہد اقبال صدیقی نے کہا کہ اللہ کی راہ میں خلوص نیت سے خرچ کرنے والے اور خالص عبادت کرنے والے کل بروز قیامت خاص مقام کے حقدار ہونگے ۔ حضور داتا گنج بخش علی ہجویری  نے پوری زندگی خلوص نیت سے اللہ کی عبادت کی آج ان کے عرس کے موقع پر لاکھوں زائرین کو خالص دودھ ملتا ہے دنیا میں کامیاب انسان وہی ہے جو اللہ کی بندگی اور اس کے حبیب محمد مصطفی کی اطاعت کرئے اور اپنی زندگی اسلامی اصولوں کے مطابق گزارے ۔

چوہدری ساجدنے آخر میں تمام مہمانان گرامی کا شکریہ ادا کیا اختتام پر اتحاد عالم اسلام، استحکام پاکستان ، تحریک آزادی کشمیر ، خطہ کشمیر کی ترقی و خوشحالی اور مرحومین کے درجات کی بلندی کیلئے خصوصی دعا کی گئی ۔ ختم چہلم کی دعا میں چوہدری جاوید آف بھڑکے ، چیئرمین KIWFرجسٹرڈ، عامر چوہان ، چوہدری خالد حسین ، چوہدری رمضان جانی ، چوہدری طلعت تبسم ، حاجی صابر، سائیں چوہدری یعقوب بی تھری کے علاوہ سیاسی وسماجی رہنماء ، وکلاء اور صحافیوں نے کثیر تعداد میں شرکت کی ، سینئر صحافی کاشف رشید ، چوہدری خالد حسین ، صدر سی یو جے میرپور پرویز شہزاد ، خالد محمود انجم و دیگر نے شرکت کی ۔