لاہور سمیت مختلف شہروں میں وقفے وقفے سے بارش، بوندا بوندی، پہاڑوں پر برفباری
بدھ 14 جنوری 2015 10:48
لاہور/ گوجرانوالہ (اُردو پوائنٹ اخبار تازہ ترین۔14جنوری2015ء) لاہور سمیت ملک کے مختلف شہروں میں وقفے وقفے سے بارش ، بوندا باندی ، پہاڑوں پر برفباری کا سلسلہ جاری ، محکمہ موسمیات نے جمعے تک ملک کے اکثر بالائی علاقوں میں سردی کی شدت میں اضافے کا امکان ظاہر کیا ہے۔ ملک کے مختلف شہروں میں خشک سردی کے بعد موسم سرما کی پہلی بارش نے رت ہی بدل دی ۔
ملکہ کوہسار مری میں گزشتہ روز برفباری نے ہر منظر سفید کر دیا ۔ ٹھنڈے ٹھار موسم سے ہر چہرہ کھلا نظر آیا ۔ منچلوں کی ٹولیاں بدلتے موسم کا لطف اٹھاتی رہیں ۔ لاہور میں گزشتہ روز سے شروع ہونے والی کن من کبھی رم جھم اور کبھی ہلکی پھوار میں بدلتی رہی ۔ یخ بستہ ہواؤں کے ساتھ برستے مینہ کا سلسلہ رات گئے وقفے وقفے سے جاری ہے ۔(جاری ہے)
دھند کے بادل غائب اور ہر منظر نکھرا نکھرا ہے ۔
ٹیکسلا ، سرگودھا ، گجرات، ملتان ، بہاولپور اور دیگر شہروں میں بھی بادل بر سے ۔ دیر میں سب سے زیادہ تئیس ملی میٹر چترال میں انیس ، دروش میں پندرہ ، فیصل آباد میں چار اور سیالکوٹ میں دو ملی میٹر بارش ریکارڈ کی گئی ۔ اسلام آباد سمیت بالائی اور وسطی پنجاب ، بالائی خیبر پختونخوا ، گلگت بلتستان اور کشمیر میں بادلوں نے بسیرا کر رکھا ہے ۔ آئندہ 24 گھنٹے کے دوران بالائی اور وسطی پنجاب میں راولپنڈی ، سرگودھا ، گوجرانوالہ ، لاہور ، ساہیوال اور فیصل آباد ڈویژن ، مالاکنڈ ، ہزارہ ڈویژن ، کشمیر اور گلگت بلتستان میں کہیں کہیں بارش کا امکان ہے ۔ موسم کا حال بتانے والے پنڈتوں نے پیش گوئی کی ہے کہ اسی دوران مری ، گلیات ، پاراچنار ، مالاکنڈ ڈویژن ، گلگت بلتستان اور کشمیر کے پہاڑوں پر برفباری بھی متوقع ہے۔مزید موسم کی خبریں
-
لاہور میں سورج کی تپش سے گرمی کا زور بڑھ گیا
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
-
کراچی دنیا کے آلودہ ترین شہروں میں سرفہرست، ایئرکوالٹی انڈیکس 241ریکارڈ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.