ملک کے بیشتر علاقوں میں موسم سرد، خشک ، جڑواں شہر وں راولپنڈی اور اسلام آباد میں مطلع صاف ،رہا

جمعہ 16 جنوری 2015 13:06

لاہور/ راولپنڈی/ اسلام آباد(اُردو پوائنٹ تازہ ترین اخبار۔ 16 جنوری 2015ء ) ملک کے بیشتر علاقوں میں موسم سرد اور خشک رہا ، جڑواں شہر وں راولپنڈی اور اسلام آباد میں مطلع صاف ، دن روشن اور چمکدار ہے ، لاہور میں سورج کی تمازت اور سرد ہواوٴں کے امتزاج نے موسم دلکش بنا رکھا ہے۔کوئٹہ میں شدید سردی کے باعث پانی جم گیا ، موسم کا حال بتانے والوں نے شمالی بلوچستان اور سندھ سمیت ملک کے بالائی علاقوں میں سردی کی شدت میں اضافے کی نوید سنا دی۔

اسلام آباد میں نیلے آسمان پر سفید بادلوں کی اور سے سورج کرنیں بکھیر رہا ہے۔ ہلکی تمازت اور سرد ہواوٴں کے امتزاج اور سڑکوں کے اطراف لگے ، دو رویہ سبزے اور ہرے بھرے درختوں نے شہر اقتدار کے موسم کو دلکش بنا رکھا ہے۔ راولپنڈی میں مطلع صاف دن روشن اور چمکدار ہے تاہم سرد ہواوٴں کے باعث موسم خاصی حد تک سرد ہے۔

(جاری ہے)

باغوں کے شہر لاہور میں بھی سورج پوری آب و تاب کے ساتھ چمک رہا ہے۔

ملتان میں جمعہ کی صبح دھند کے بادل چھائے رہے جس سے معمولات زندگی متاثر ہوئے۔ کوئٹہ سمیت صوبے کے بالائی علاقوں میں موسم سرد اور خشک ہے ، بیشتر علاقوں میں درجہ حرارت نقطہ انجماد سے نیچے گر گیا۔ کوئٹہ میں سردی کے باعث پانی جم گیا اور معاملات زندگی متاثر ہوئے۔ محکمہ موسمیات نے آئندہ چوبیس گھنٹوں کے دوران شمالی بلوچستان اور سندھ سمیت ملک کے بالائی علاقوں میں سردی کی شدت میں اضافیکی پیشگوئی کی ہے۔

Facebook Twitter Google + Share on Whatsapp

ملک کے بیشتر علاقوں میں موسم سرد، خشک ، جڑواں شہر وں راولپنڈی اور اسلام آباد میں مطلع صاف ،رہا

متعلقہ عنوان :

مزید موسم کی خبریں